Tija mucharu cho ŵanthu anandi awona vinthu vamampha kuja viheni ndipu viheni nge vamampha. (Yes 5:20) Ntchachitima kuti ŵanthu anyaki achita vo Yehova watinkha nge kugonana kwa anthulumi pamwenga anthukazi ŵijaŵija. Ŵana ŵa Akaboni achichizgika ndi anyawu kusukulu pamwenga ŵanthu anyaki kuti achitengi vinthu viheni. Kumbi mungawovya wuli ŵana ŵinu kumalana ndi chiyesu chenichi kweniso mayeseru nganyaki?

Sambizani ŵana ŵinu fundu zaku Yehova. (Lv 18:3) Muŵasambizengi vo Bayibolu likamba pa nkhani ya kugonana mwakukoliyana ndi msinkhu wawu. (Dt 6:7) Jifumbeni kuti: ‘Kumbi ŵana ŵangu nditiŵasambiza vakukwaskana ndi nthowa yamampha yo angalongore kuti atanja munthu, umampha wakuvwala malaya ngakupasa ulemu ndipuso kuti angazomerezanga cha kuti munthu weyosi waŵachitiyi vinthu vambula kwenere nge kuŵakoko pamwenga kuŵawonere achivwala? Kumbi ŵana ŵangu aziŵa vo akhumbika kuchita asani munthu munyaki wakhumba kuŵalongo vinthu vakusikuwa, pamwenga asani wakhumba kuti wachiti nawu chinthu chinyaki cho Yehova watinkha? Fundu zo mungaŵasambiza ŵeche anamana zingaŵawovya kuti azileki kukumana ndi masuzgu. (Nth 27:12; Wak 7:12) Asani musambiza ŵana ŵinu mulongo kuti mutiŵayanja ndipu mutiŵawona kuti ndi mphasu yakutuliya kwaku Yehova.—Sl 127:3.

WONERIYANI VIDIYO YAKUTI ZENGANI NYUMBA YAKUKHO—VIKIRIYANI ŴANA ŴINU KU “VINTHU VIHENI,” NDIPU MUKANI MAFUMBU YANGA:

• Ntchifukwa wuli apapi anyaki atiŵasambiza cha ŵana ŵawu vakukwaskana ndi kugonana?

• Ntchifukwa wuli apapi akhumbika ‘kusambiza ndi kulunguchizga ŵana ŵawu nge mo Yehova wakhumbiya’?—Aef 6:4

• Kumbi gulu laku Yehova laŵapaskanji apapi kuti viŵawovyi kusambiza ŵana ŵawu vakukwaskana ndi kugonana?—w19.05 12, bokosi

• Ntchifukwa wuli apapi atenere kukambiskana ndi ŵana ŵawu kaŵikaŵi ŵechendakumani ndi masuzgu?