Samuyeli wanguja wakugomezgeka kwaku Yehova kwa umoyu waki wosi. Pa nyengu yo wenga mnyamata, wachitangaku cha vinthu viheni vo ŵana aku Eli, Hofini ndi Finihasi achitanga. (1Sa 2:22-26) Samuyeli wangulutirizga kukuwa, ndipu Yehova wenga nayu. (1Sa 3:19) Wati wakota wangulutirizga kuteŵete Yehova mwakugomezgeka chinanga kuti ŵana ŵaki ŵenga akugomezgeka cha.​—1Sa 8:1-5.

Kumbi chakuwoniyapu chaku Samuyeli chititisambizanji? Asani ndimwi wachinyamata, ziŵani kuti Yehova wavwisa masuzgu ngo mukumana nangu kweniso mo muvwiya. Iyu wangakuwovyani kuti muje ndi chiganga. (Yes 41:10, 13) Asani ndimwi mupapi ndipu mwana winu wateŵete Yehova cha, ziŵani kuti Samuyeli wanguŵachichizga cha ŵana ŵaki kuti aje akugomezgeka kwaku Yehova. Samuyeli wangusiya nkhani yosi mumanja mwaku Yehova ndipu wangulutirizga kuteŵete awisi akuchanya mwakugomezgeka. Chakuwoniyapu chinu chamampha chingawovya mwana winu kuti wawere kwaku Yehova.

WONERIYANI VIDIYO YAKUTI VO MUNGASAMBIRA KWAKU YIWU—SAMUYELI, NDIPU MUKANI MAFUMBU YANGA:

• Kumbi Samuyeli wangulongo wuli chiganga weche munamana?

• Kumbi Danny wangulongo wuli chiganga?

• Kumbi Samuyeli wangulongo wuli chakuwoniyapu chamampha wati wakota?

• Kumbi apapi aku Danny angulongo wuli chakuwoniyapu chamampha?