Kumbi nyengu zosi Yehova waziŵa vinthu vo vingatiwovya? Hinya! Kugomezga fundu yeniyi kutiwovyengi kuti tilondongi ulongozgi waki ndipu tilongongi kuti te ndi zeru. (Nth 16:3, 9) Kweni nyengu zinyaki tingatondeka kugomezga ulongozgi waku Yehova asani tiwona kuti upambana ndi vo isi tiŵanaŵana. Asani tiŵanaŵaniya vinthu vo Yehova wakulenga, tigomezgengi ukongwa zeru zaki.—Nth 30:24, 25; Ar 1:20.

WONERIYANI VIDIYO YAKUTI KUMBI VIKUCHITIKA VIJA? KUMBI NYERE ZICHITA WULI KUTI ZILEKI KUJALIZANA NTHOWA? NDIPU MUKANI MAFUMBU YANGA:

• Kumbi nyere zitenda wuli?

• Kumbi nyere zichita wuli kuti zileki kujalizana nthowa?

• Kumbi ŵanthu angasambiranji kutuliya ku nyere pa nkhani ya mo zitende?

WONERIYANI VIDIYO YAKUTI KUMBI VIKUCHITIKA VIJA? MO NJUCHI ZIPHULULUKIYA, NDIPU MUKANI MAFUMBU YANGA:

• Kumbi ŵanthu akumana ndi masuzgu wuli asani atendesa ndegi zimanazimana?

• Kumbi njuchi yichita wuli kuti yileki kuputa ndi mphepu asani yiphululuka mu mphepu yikulu?

• Kumbi ŵanthu angayanduwa wuli ndi zeru za njuchi?

Kumbi ko muja mwaona ukaboni wuli kutuliya ku vinthu vo Yehova wakulenga wo ulongo kuti Iyu we ndi zeru?