Chaka chechosi ŵanthu aku Yehova anozgeke kuti azisanirikepu pa mwambu wa Chikumbusu. Asani kwaja masabata ngamanavi kuti tichiti Chikumbusu kweniso asani chajumphapu, tija ndi mwaŵi wakuthamika kweniso kuwonga Yehova chifukwa cha mphasu ya sembi. (Aef 1:3, 7) Mwakuyeruzgiyapu, tichita phamphu kudaniyaku anyidu ku Chikumbusu. Anyaki asintha vinthu vinyaki pa umoyu wawu kuti achiteku upayiniya wa maola 30 pamwenga 50 mu mwezi wa March pamwenga April. Kumbi namwi mungayanja kuti muzimaliyi maola nganandi mu uteŵeti mu nyengu ya Chikumbusu yeniyi? Kumbi ntchinthu wuli cho chingakuwovyani kuti mufiski chilatu chinu?

Kunozgeke limu kungatiwovya kuti tizichiti vinandi. (Nth 21:5) Chifukwa chakuti nyengu ya Chikumbusu ye pafupi, sonu ndiyu nyengu yamampha yakunozgeke. Kuti muzichiti vinandi pa nyengu ya Chikumbusu, ŵanaŵaniyani vo mukhumbika kuchita kuti muzifiski vilatu vinu. Pakumaliya paki mupempheni Yehova kuti watumbiki vilatu vinu.​—1Yo 5:14, 15.

Kumbi ndi vinthu wuli vinyaki vo mungachita kuti musazgiyeku uteŵeti winu mu nyengu ya Chikumbusu?