Bayibolu lingasintha umoyu widu. (Ah 4:12) Kweni kuti tiyanduwi ndi ulongozgi waki tikhumbika kusimikiza kuti ndi “mazu ngaku Chiuta” nadi. (1At 2:13) Kumbi Bayibolu lingatiwovya wuli kuti chivwanu chidu chikho?

Muŵerengengi Bayibolu zuŵa lelosi. Asani muŵerenga Bayibolu musaniyengi ukaboni wakuti Yehova ndiyu wakulemba Bayibolu. Mwakuyeruzgiyapu, wonani ulongozgi wo we mu buku la Nthanthi ndipuso mo mungagwiriskiya ntchitu ulongozgi wenuwu pa umoyu winu.—Nth 13:20; 14:30.

Yambani kusambira Bayibolu pakumwija. Mungaziŵengi umampha maukaboni ngo ngalongo kuti Chiuta ndiyu wakulemba Bayibolu. Mu Kabuku Kakufufuziya Nkhani ka Akaboni aku Yehova lutani pa mutu wakuti “Bayibolu,” pavuli paki lutani po alemba kuti “Likulembeka Mwakulongozgeka ndi Chiuta.” Musimikizengi kuti fundu za mu Bayibolu zikusintha cha ndipu chivwanu chinu chikhongi ukongwa asani muŵerenga Fundu Zakukumaliya A3, mu Bayibolu la Charu Chifya.

WONERIYANI VIDIYO YAKUTI NTCHIFUKWA WULI TIGOMEZGA . . . MAZU NGAKU CHIUTA, NDIPU MUKANI MAFUMBU YANGA:

• Kumbi vithuzi vo vikusanirika pa chimati cha nyumba yakusopiyamu ku Karnak, mu charu cha Egypt, vilongo wuli kuti Mazu ngaku Chiuta ngauneneska?

• Kumbi tiziŵa wuli kuti uthenga wa mu Bayibolu ukusintha cha?

• Kumbi fundu yakuti Bayibolu leche kusanirika mpaka sonu, yilongo wuli kuti Bayibolu ndi Mazu ngaku Chiuta?—Ŵerengani Yesaya 40:8