Mu Bayibolu mwe ŵanthu anandi wo Yehova wangumuka mapempheru ngawu. Asani ateŵeti aku Chiuta awona mo Yehova wamukiyanga mapempheru ngawu kweniso mo waŵawovyiyanga, chivwanu chawu chakhonga. Mwaviyo, mumapempheru ngidu tizumbuwengi vinthu chayivu vo tikhumba ndipu tiwonengi mo Yehova wamukiya mapempheru ngidu. Kumbukani kuti Yehova wangamuka mapempheru ngidu mwakupambana ndi mo isi tiŵanaŵaniya pamwenga wangatichitiya vinthu vikulu ukongwa kuluska vo isi tapempha. (2Ak 12:7-9; Aef 3:20) Kumbi Yehova wangatipaskanji asani wamuka vo tamupempha?

• Nthazi pamwenga chivwanu kuti timalani ndi masuzgu.​—Afi 4:13

• Zeru kuti tisankhi vinthu umampha.​—Yak 1:5

• Khumbu kweniso nthazi zakuchitiya.​—Afi 2:13

• Wangatiwovya kuti tizikirengi asani tifipa mtima.​—Afi 4:6, 7

• Anyidu angatipaska vo tikhumbika, angatipembuzga kweniso kutichiska​—1Yo 3:17, 18

• Wangaŵawovya ŵanthu wo titiŵapemphere.​—Mac 12:5, 11

WONERIYANI VIDIYO YAKUTI YEHOVA NDI CHIUTA “WAKUVWA PEMPHERU,” NDIPU MUKANI MAFUMBU YANGA:

• Kumbi vo wakonkhoska mubali Shimizu vingatiwovya wuli asani titondeka kuchita vinthu vinyaki chifukwa chakuti titama?

• Kumbi tingamuyezga wuli mubali Shimizu?