Munthu wakhumbika kuja ndi chivwanu kuti wasami malu ngo wakuziŵiliya ndi kuluta kuchigaŵa chinyaki kuti wakasazgiyeku uteŵeti. (Ah 11:8-10) Kambiskanani ndi ŵara a Mpingu winu asani mukhumba kusamiya kuchigaŵa chinyaki. Kumbi tikhumbika kuŵanaŵaniyanji techendasamiyi ko kukhumbika apharazgi anandi? Wonani vo mabuku ngidu ngakamba vakukwaskana ndi kuteŵete ko kukhumbika apharazgi anandi. Kambiskanani ndi wo anguchiwovyapu ku mpingu wo wakhumbikanga chovyu. (Nth 15:22) Mupemphengi ulongozgi waku Yehova. (Yak 1:5) Fufuzani kuti muziŵi vinandi vakukwaskana ndi malu ngo mukhumba kusamiya ndipu asani nkhwamachitika mungaluta kuti mukawoneku mwechendasami.

WONERIYANI VIDIYO YAKUTI MUCHITENGI VINTHU VO VINGALONGO KUTI MWE NDI CHIVWANU​—SAMIYANI KO KUKHUMBIKA APHARAZGI ANANDI, NDIPU MUKANI MAFUMBU YANGA:

• Kumbi Gabriel wakhumbikanga kusintha vinthu wuli? Nanga ntchinthu wuli cho chingumuwovya?