Tigwiriskiya ntchitu nthazi zidu mwazeru asani te ndi vilatu vauzimu. (1Ak 9:26) Kujiŵikiya vilatu kutitiwovya kuti tigwiriskiyengi ntchitu mwazeru nyengu yidu umaliru wa nyengu yinu wechendazi. (Aef 5:15, 16) Pa nyengu ya kusopa kwa pabanja mungakambiskana vo mukhumba kuzichita mu chaka chasonu cha uteŵeti. Mu kabuku yaka mwe nkhani zo ze ndi vilatu vo yimwi mukhumbika kuviŵanaŵaniya ndi kuvipemphere.​—Yak 1:5.

Mwakuyeruzgiyapu, kumbi mungakoliyana cha nge banja kuti muwovyi munthu yumoza mu banja linu kuti wachiti upayiniya wa nyengu zosi? Asani muwona kuti mungafiska cha maola ngo ngakhumbika chifukwa masuzgu ngo mwenangu, mungakambiskana ndi apayiniya wo ŵe ndi masuzgu nge ngo yimwi mwenangu. (Nth 15:22) Asani mungayanja, mungafumba mupaniya pa nyengu ya kusopa kwa pabanja. Pavuli paki mungalemba ndondomeku ya kuchitiya upayiniya. Asani nyengu yinyaki munguchitapu upayiniya, mungawona asani mungafiska kuchita so upayiniya.

Kumbi anyaki mu banja linu angachitaku cha upayiniya kwa mwezi umoza pamwenga yinandi? Chinanga kuti mulivi nthazi, mungachita mbwenu upayiniya wakovya asani zuŵa lelosi musere mu uteweti kwa maola ngamanavi. Asani mulivi nyengu mkati mwa sabata yakuselere mu upharazgi chifukwa chakuti mazuŵa ngosi mugwira ntchitu pamwenga musambira sukulu, mungasankha mwezi wo we ndi holide pamwenga wo we ndi masabata ngankhondi. Pa kalendala yinu lembani nyengu yo mwazamuchitiya upayiniya wakovya kweniso mungalembe limu ndondomeku.​—Nth 21:5.

WONERIYANI VIDIYO YAKUTI JANI ACHIGANGA . . . APAYINIYA, NDIPU MUKANI MAFUMBU YANGA:

• Kumbi Yehova wangumuwovya wuli Mzichi Aamand, ndipu venivi vititisambizanji?