Yehova wakhumba kuti mabanja ngakondwengi. (Sl 127:3-5; Wak 9:9; 11:9) Kweni tingaleka kukondwa chifukwa cha kusuzgika maŵanaŵanu ndi vinthu vo vichitika mucharu kweniso vinthu vo ŵanthu a mubanja lidu anangisa. Kumbi weyosi wangachitanji kuti banja lije lalikondwa?

Munthulumi watumbika muwolu waki. (1Pe 3:7) Wacheza nayu. Iyu wakhumba kuti muwolu waki wachitengi vo wangafiska ndipuso watimuwonga pa vo watimuchitiya kweniso vo wachitiya banja laki. (Akl 3:15) Watimuyanja muwolu waki kweniso kumuthamika.—Nth 31:28, 31.

Munthukazi wasaniya nthowa zo wangawovye mulumu waki. (Nth 31:12) Wakhumbika kujithereska kweniso kukoliyana ndi vo mulumu waki wasankha. (Akl 3:18) Iyu walongoro mwaulemu ndipuso wakamba vinthu vamampha vakukwaskana ndi mulumu waki.—Nth 31:26.

Apapi acheza ndi ŵana ŵawu. (Dt 6:6, 7) Yiwu akambiya ŵana ŵawu kuti atiŵayanja. (Mt 3:17) Asani apapi apereka ulongozgi ku ŵana ŵawu alongo kuti atiŵayanja kweniso atiŵaŵanaŵaniya.—Aef 6:4.

Ŵana atumbika kweniso kuvwiya apapi ŵawu. (Nth 23:22) Akambiya apapi wawu maŵanaŵanu ngawu ndi mo avwiya. Yiwu azomera ulongozgi wo apapi ŵawu atiŵapasa kweniso atiŵatumbika.​—Nth 19:20.

WONERIYANI VIDIYO YAKUTI VO VINGAWOVYA KUTI MUKONDWENGI MU BANJA LINU, NDIPU MUKANI MAFUMBU YANGA:

Kumbi ndi vinthu wuli vo weyosi wachita kuti akondwengi mu banja?