Yesu wakutilongo chakuwoniyapu chamampha ukongwa cha mo tingachitiya asani tiyeseka pamwenga asani titombozgeka. (1 Petu. 2:21-23) Iyu waweziyanga cha panyengu yo amunyozanga ndi kumutombozga. (Mariko 15:29-32) Ntchinthu wuli chingumuwovya kuti wakunthiyepu? Iyu wangusimikiza mtima kuti wachitengi khumbu laku Yehova. (Yoha. 6:38) Kweniso, wanguŵika maŵanaŵanu ngaki ngosi pa “likondwa lo linguŵikika panthazi paki.”—Ahe. 12:2.

Kumbi tichita wuli asani ŵanthu atitichitiya vinthu vambula urunji chifukwa cha chivwanu chidu? Akhristu auneneska aweze cha “chiheni pa chiheni.” (Aro. 12:14, 17) Asani nasi tingakunthiyapu nge mo Khristu wanguchitiya, tikondwengi chifukwa chakuziŵa kuti Chiuta wakondwa nasi.—Mate. 5:10-12; 1 Petu. 4:12-14.

WONERIYANI VIDIYO YAKUTI ZINA LAKU YEHOVA NDAKUKHUMBIKA UKONGWA PA UMOYU WIDU, PAVULI PAKI MUKANI MAFUMBU YANGA:

• Kumbi Mzichi Pötzinger * wanguchita wuli vinthu mwazeru po wenga mujeri lakuyija?

• Kumbi ndi mayeseru wuli ngo Mubali ndi Mzichi Pötzinger angukunthiyapu po ŵenga kumisakasa yachibalu yakupambanapambana?

• Kumbi ndi vinthu wuli vinguŵawovya kuti akunthiyepu?