KUMBI VENIVI VAKUKHUMBIKA WULI?: Buku la 1 Akorinto ndimoza mwa makalata 14 ngo Paulo wangulemba kuti wachiski Akhristu anyaki. Munthu yo walemba kalata wasankha mwakuphwere mazu ngo wakhumba kulemba ndipu venivi vichitiska kuti munthu yo walonde kalata yo wayiŵerengi mwakuwerezawereza. Makalata ndi nthowa yamampha yakupharazgiya achibali kweniso ŵanthu wo tiziŵana nawu. Kweniso ndi nthowa yamampha yakupharazgiya ŵanthu wo titondeka kukambiskana nawu masu ndi masu. Mwakuyeruzgiyapu, tingakumana ndi ŵanthu wo alongo kuti akhumba kuziŵa vinandi, kweni mphakusuzga kuti tiŵasaniyi panyumba. Vingachitika so kuti muchigaŵa chidu mwe ŵanthu anyaki wo aja munyumba zakuvikilirika ukongwa zo ze ndi mipanda ndipuso mageti. Kweni kumbi tikhumbika kukumbukanji asani titiŵalembe makalata ŵanthu wo tileka kuŵaziŵa umampha?

KUMBI TINGACHITA WULI VENIVI?:

• Asani tilembe munthu kalata, tikhumbika kulemba mazu ngo tatingi tikambengi asani tingukumana nayu masu ndi masu. Kukwamba kwa kalata yinu jikambeni kuti ndimwi ayani. Mungalemba fumbu lo lingamuwovya kuti waŵanaŵaniyepu kweniso mukambiyeni vakukwaskana ndi webusayiti yidu. Pavuli paki mukambiyeni so mo wangasambiriya Bayibolu kunyumba kwaki ndi Kaboni waku Yehova weyosi. Kweniso mungalembamu mitu yinyaki yo yisanirika mumabuku ngo tisambiriya Bayibolu ndi ŵanthu. Mungaŵikamu so vinthu vinyaki nge kadi lakuziŵisa ŵanthu za jw.org pamwenga kapepala kekosi

• Kalata yinu yijengi yifupi. Mungalembanga kalata yitali ukongwa cha kuti munthu yo wamuŵerenga wakaleki kuvuka.​—Wonani kalata yakuwoniyapu

• Yiwerengeni so kuti munozgi mo mwanangika. Wonesesani kuti njakutowa, yiŵerengeka kwambula kusuzga, yivwika yaubwezi kweniso yaulemu