Yehova yo ndi “Chiuta walikondwa,” wakhumba kuti tikondwengi ndi uteŵeti. (1Ti 1:11) Tingaja ndi likondwa likulu asani tisazgiyaku malusu ngidu. Kufumba mafumbu ndi nthowa yamampha yakwamba kukambiskana ndi munthu ndipuso kutovya kuti munthu waje ndi mtima wakukhumba kuvwa vinandi. Mafumbu ngatovya kuti ŵanthu aŵanaŵaniyengepu. (Mt 22:41-45) Asani tifumba mafumbu kweniso kuvwisiya, tija nge titimukambiya kuti ‘ndiwi wakukhumbika kwaku ini’ (Yak 1:19) Vo munthu wangamuka vingatiwovya kuti tikambiskani nayu umampha.

WONERIYANI VIDIYO YAKUTI TINGAJA NDI LIKONDWA ASANI TISAMBIZA ŴANTHU KUTI AJE AKUSAMBIRA—SAZGIYANIKU LUSU LINU—MUFUMBENGI MAFUMBU, NDIPU MUKANI MAFUMBU YANGA:

• Kumbi ndi mijalidu niyi yamampha yo Jade wenga nayu?

• Kumbi Neeta wangugwiriskiya wuli ntchitu mafumbu kuti walongo kuti watimuŵanaŵaniya Jade?

• Kumbi Neeta wangugwiriskiya wuli ntchitu mafumbu kuti wawovyi Jade kuja ndi mtima wakukhumbisiska kuziŵa uthenga wamampha?

• Kumbi mafumbu ngo Neeta wafumbanga ngangumuwovya wuli Jade kuti waŵanaŵaniyengepu?