TICHITENGI VINTHU NGE AKHRISTU
Lekani Kuja nge Ŵanthu Ambula Kugomezgeka
Kora, Datani, ndi Abiramu angulongo kuti ŵenga ambula kugomezgeka kwaku Yehova chifukwa angukoliyana cha ndi ndondomeku yo Yehova wangujalikisa. Yehova wangubaya wo angumugalukiya kusazgapu wosi wo ŵenga ku chigaŵa chawu. (Nu 16:26, 27, 31-33) Kumbi ndi vinthu wuli vo vingachitiska kuti tileki kugomezgeka kwaku Yehova? Kumbi vakuyeruzgiyapu nivi va mu Bayibolu vo vingatiwovya kuti tileki kuchita vinthu nge ŵanthu ambula kugomezgeka?
WONERIYANI VIDIYO YAKUTI LEKANI KUJA AMBULA KUGOMEZGEKA, NDIPU MUKANI MAFUMBU YANGA:
-
Kumbi Nadia wangukumana ndi chiyesu wuli, nanga ndi nkhani niyi ya mu Bayibolu yo yingumuwovya kuti waje wakugomezgeka?
-
Kumbi mubali wanguguŵa ndi vinthu wuli, nanga ndi nkhani niyi ya mu Bayibolu yo yingumuwovya kuti waje wakugomezgeka?
-
Kumbi Terrance wangukumana ndi chiyesu wuli, nanga ndi nkhani niyi ya mu Bayibolu yo yingumuwovya kuti waje wakugomezgeka?
-
Kumbi mubali wangukumana ndi chiyesu wuli ku sukulu, nanga ndi nkhani niyi ya mu Bayibolu yo yingumuwovya kuti waje wakugomezgeka?
