Tingamala nthazi asani takumana ndi mayeseru kwa nyengu yitali. Davidi wanguziŵa kuti mayeseru ngo wakumananga nangu pa nyengu yo Fumu Sauli yakhumbanga kumubaya ngazamumala, ndipu wazamuja fumu nge mo Yehova wangumulayizgiya. (1Sa 16:13) Chivwanu cho Davidi wenga nachu ndichu chingumuwovya kuti wachiti vinthu mwakuzikira ndi kulindizga Yehova.

Asani tikumana ndi mayeseru tikhumbika kuchita vinthu mwakuchenje, mwazeru, pamwenga kuŵanaŵana umampha. (1Sa 21:12-14; Nth 1:4) Kweni nyengu zinyaki tingakumana ndi masuzgu kwa nyengu yitali chinanga kuti tichita vinthu mwakulondo fundu za mu Bayibolu. Asani vaŵa viyo, tikhumbika kuchita vinthu mwakuzikira ndi kulindizga Yehova. Pambula kuswera yapa, Yehova wamalisengi masuzgu ngosi ndipuso “wazamuleska masozi” ngosi mumasu mwidu. (Chv 21:4) Nyengu zinyaki tingavwaku umampha chifukwa chakuti Yehova ndiyu watiwovya pamwenga vinthu vinyaki ndivu vatiwovya, kweni chinthu chimoza cho tisimikiza ntchakuti, mayeseru ngosi ngazamumala zuŵa linyaki. Fundu yeniyi njakuchiska limu.

WONERIYANI VIDIYO YAKUTI ŴANTHU WO MBAKUKOLIYANA MUCHARU CHO ŴANTHU ASANKHANA, NDIPU MUKANI MAFUMBU YANGA:

• Kumbi abali wo aja kumwera kwa United States angukumana ndi mayeseru wuli?

• Kumbi yiwu angulongo wuli chanju kweniso kukunthiyapu?

• Kumbi yiwu angulutirizga wuli kuŵika maŵanaŵanu ngawu pa “vinthu vakukhumbika ukongwa”?​—Afi 1:10