Davidi wanguthereska Goliyati chifukwa chakuti wathembanga Yehova. (1Sa 17:45) Yehova walongo nthazi zaki pakovya ateŵeti ŵaki. (2Mb 16:9) Kumbi tingalongo wuli kuti tithemba chovyu chaku Yehova mumalu mwa kuthemba malusu ngidu? Tiyeni tiwoni vinthu vitatu:

• Mupempherengi pafupipafupi. Mungapempheranga kuti Yehova wakugowokiyeni asani mwanangisa pe cha, kweniso mumupemphengi kuti wakupaskeni nthazi asani muyeseka. (Mt 6:12, 13) Mungapempheranga chifukwa chakuti Yehova wakutumbikani pa vinthu vo mwasankha pe cha kweniso mupemphengi ulongozgi ndipuso zeru mwechendasankhi vakuchita.​—Yak 1:5

• Mujengi ndi ndondomeku yakuŵerenge kweniso kusambira Bayibolu. Muŵerengengi Bayibolu zuŵa lelosi. (Sl 1:2) Muŵanaŵaniyengepu pa vakuyeruzgiyapu va mu Bayibolu kweniso muchitengi vo mwaŵerenga. (Yak 1:23-25) Munozgekiyengi uteŵeti mumalu mwa kuthemba lusu linu. Munozgekiyengi mwakukwana kuti muyanduwengi ndi maunganu nga mpingu.

• Mukoliyanengi ndi gulu laku Yehova. Muziŵengi ulongozgi wasonu wo gulu lapereka ndipu muwugwiriskiyengi ntchitu. (Nu 9:17) Muvwiyengi asani ŵara apereka ulongozgi.​—Ah 13:17.

WONERIYANI VIDIYO YAKUTI TINGAWOPANGA CHA ASANI TITOMBOZGEKA, NDIPU MUKANI MAFUMBU YANGA:

• Kumbi abali ndi azichi mu vidiyo iyi awopanganji?

• Ntchinthu wuli cho chinguŵawovya kuti aleki kopa?