Ŵanthu wo ŵe ndi mijalidu yakutowa pe ndiwu angaja pa ubwezi ndi Yehova. (1Pe 1:14-16) Asani ŵanthu wo musambira nawu aleka mijalidu yiheni angaja ndi mabanja ngamampha, umoyu wamampha kweniso angasuzgika cha kusaniya ndalama.

Akonkhoskiyeni mwakuvwika umampha marangu ngaku Yehova, chifukwa cho Yehova wapereke marangu, kweniso mo ngangaŵawovye. Awovyeni kuti asinthi mo aŵanaŵaniya ndipu asani achita venivi achitengi vo Yehova wakhumba. (Aef 4:22-24) Asimikiziyeni kuti mwakuwovyeka ndi Yehova angaleka kuchita vinthu viheni vo avichita kwa nyengu yitali. (Afi 4:13) Asambizeni kuti akambiyengi Yehova asani ayeseka kuti achiti ubudi. Awovyeni kuti aziŵi kweniso kuti akhwechengi vinthu vo vingachitiska kuti abudi. Achiskeni kuti achitengi vinthu vo vingaŵawovya kuti aje ndi mijalidu yamampha. Asani muwona ŵanthu wo musambira nawu Bayibolu asintha mijalidu yiheni chifukwa chakuti Yehova watiŵawovya, mukondwengi ukongwa.

WONESANI VIDIYO YAKUTI MUWOVYENGI WO MUSAMBIRA NAWU BAYIBOLU KUTI ALEKI KUJA NDI MIJALIDU YIHENI, NDIPU MUKANI MAFUMBU YANGA:

• Kumbi ŵara kweniso Neeta angulongo wuli kuti atimuthemba Jade?

• Kumbi Neeta wangumuwovya wuli Jade?

• Kumbi Jade wangupenja wuli chovyu kwaku Yehova?