April 29–May 5
MASALIMO 34-35
Sumu 10 ndi Pempheru | Mazu Ngakwamba (1 min.)
1. “Muthamikengi Yehova Nyengu Zosi”
(10 min.)
Davidi wathamikanga Yehova chinanga mphanyengu yo wakumananga ndi masuzgu (Sl 34:1; w07-CN 3/1 22 ¶11)
Mumalu mwakujiyikamu, Davidi wakankhuskanga Yehova (Sl 34:2-4; w07-CN 3/1 22 ¶13)
Mazu ngakuthamika ngo Davidi wangukamba nganguchiska mabwezi ngaki (Sl 34:5; w07-CN 3/1 23 ¶15)
Davidi wati watuwaku kwaku Abimeleki, anthulumi 400 wo akondwanga cha ndi ulamuliru waku Sauli angumulondo kuchipululu ko wangubisama. (1Sa 22:1, 2) Vingachitika kuti Davidi waŵanaŵaniyanga anthulumi ŵenaŵa po walembanga salimo lenili.—Sl 34, mazu ngapachanya.
JIFUMBENI KUTI, ‘Kumbi ndingazimuthamika wuli Yehova asani ndikambiskana ndi munthu pa maunganu ngakulondopu?’
2. Fundu Zakuzirwa za mu Bayibolu
(10 min.)
-
Sl 35:19—Kumbi Davidi wang’anamuwanganji po wangupempha Yehova kuti mungazomerezanga cha kuti wo atinditinkha kwambula chifukwa “aphayiyani masu”? (w06-CN 5/15 20 ¶2)
-
Kumbi ndi fundu nizi zakuzirwa zo mwasaniya pakuŵerenga Bayibolu sabata yinu?
3. Kuŵerenga Bayibolu
(4 min.) Sl 34:1-22 (th sambiru 5)
4. Mo Mungayambiya Kukambiskana ndi Ŵanthu
(2 min.) KUPHARAZGA MWAMWAŴI. Asani mwaleke munthowa kukambiskana ndi munthu mwechendayambi kumupharazgiya. (lmd sambiru 1 fundu 4)
5. Muchitengi Maulendu Ngakuweriyaku
(4 min.) KUPHARAZGA MWAMWAŴI. (lmd sambiru 2 fundu 4)
6. Kukonkhosa vo Mugomeza
(5 min.) Chakuyeruzgiyapu. ijwfq 59—Mutu: Kumbi Akaboni aku Yehova Aziŵa Wuli Kuti Holidi iyi Njakwenere cha Kuchitaku? (th sambiru 17)
Sumu 59
7. Nthowa Zitatu zo Tingathamikiya Yehova pa Maunganu
(15 min.) Nkhani yakukambiskana.
Maunganu nga mpingu ngatitipaska mwaŵi wakuthamikiya Yehova. Wonani nthowa zitatu izi.
Kukambiskana: Tikambengi vinthu vamampha vo Yehova watitichitiya asani tikambiskana ndi anyidu. (Sl 145:1, 7) Kumbi mukuvwapu pamwenga kuŵerenga fundu yinyaki yo munguyanduwa nayu? Kumbi pe chakukondweska chechosi cho chikukuchitikiyanipu mu uteŵeti? Kumbi munthu munyaki wakukuchiskanipu? Kumbi ndi vinthu vamuchilengedu nivi vo vitikukondwesani? Vosi venivi ndi mphasu yakutuliya kwaku Yehova. (Yak 1:17) Mufikengi liŵi pa maunganu kuti musaniyengi nyengu yakucheze ndi anyinu.
Kumukapu: Tiyesesengi kumukapu pa maunganu. (Sl 26:12) Mukhumbika kumuka ansala chayiyu pamwenga kumukapu fundu yinyaki, mungakonkhoska lemba, chithuzi pamwenga mo mungagwiriskiya ntchitu fundu zo mwasambira. Chifukwa chakuti ŵanthu anandi asoska manja panyengu yo namwi musoske, mwaviyo mukhumbika kunozgeke ndemanga zinandi. Asani ndemanga zinu za masekondi 30 pamwenga kusikiya pasi, viwovyengi kuti ŵanthu anandi ‘aperekengi sembi yakuthamika kwaku Chiuta.’—Ah 13:15.
Sumu: Mumbengi sumu za Ufumu mwakutuliya pasi pamtima. (Sl 147:1) Ndinyengu zosi cha po mungamukapu pa maunganu asani mu mpingu winu mwe ŵanthu anandi, kweni nyengu zosi mwendi mwaŵi wakumba sumu. Chinanga kuti muwona kuti mutumba umampha cha, kweni Yehova wakondwa ukongwa asani muchita vo mungafiska! (2Ak 8:12) Munozgekiyengi limu kumba sumu mweche kunyumba.
Wonesani VIDIYO Yakuti Mbiri Yidu Yiluta Panthazi—Mphasu ya Sumu, Chigaŵa 1. Ndipu fumbani akuvwisiya fumbu ili:
Kumbi pakwamba gulu lidu lingulongo wuli kuti kumba sumu za kuthamika Yehova nkhwakukhumbika?
