KUSAZGIYAKU LUSU LIDU MU UTEŴETI | SAZGIYANIKU LIKONDWA LINU MU UTEŴETI
Mukonkhoskengi Fundu Zikuluzikulu
Asani tichita ulendu wakuweliyaku pamwenga tichitisa masambiru nga Bayibolu, tikhumbika kovya ŵanthu wo tisambira nawu kuziŵa fundu zikuluzikulu. Asani tikonkhoska vakuyeruzgiyapu tingaŵafika pa mtima ndipu vingaŵawovya kuti akumbukengi fundu zo asambira.
Asani munozgeke ulendu wakuweliyaku pamwenga sambiru la Bayibolu, musankhengi fundu zikuluzikulu zo mukhumba kuti mukakonkhoski. Ndipu sankhani vakuyeruzgiyapu vipusu vo ŵanthu ativiziŵa umampha. (Mt 5:14-16; Mrk 2:21; Lk 14:7-11) Muŵanaŵaniyengi masuzgu ngo ŵanthu wo mutiŵapharazgiya akumana nangu kweniso ntchitu zo agwira. (Lk 5:2-11; Yoh 4:7-15) Asani muwona kuti wakondwa chifukwa cha kuvwisa vo wasambira, namwi mukondwengi ukongwa.
WONERIYANI VIDIYO YAKUTI TINGAJA NDI LIKONDWA ASANI TISAMBIZA ŴANTHU KUTI AJE AKUSAMBIRA—SAZGIYANIKU LUSU LINU—MUKONKHOSKENGI FUNDU ZIKULUZIKULU, NDIPU FUMBANI MAFUMBU YANGA:
-
Ntchifukwa wuli tikhumbika kuwovya ŵanthu wo tisambira nawu kuti avwisengi mavesi nga mu Bayibolu?
-
Kumbi Neeta wangukonkhoska wuli uneneska wo usanirika pa Aroma 5:12?
-
Vakuyeruzgiyapu vamampha vitiŵafika pa mtima ŵanthu
Kumbi vakuyeruzgiyapu vamampha vingaŵawovya wuli ŵanthu wo tisambira nawu?
-
Asani te mu upharazgi, ntchifukwa wuli tikhumbika kugwiriskiya ntchitu mavidiyo kweniso vinthu vinyaki vo gulu laku Yehova lititipasa?
