Po te kukumaliya kwa “mazuŵa ngakumaliya,” masuzgu ngasazgikiyakusazgikiyaku. (2Ti 3:1; Mt 24:8) Nyengu zosi asani kwachitika ngozi, ŵanthu aku Yehova alonde ulongozgi wa panyengu yaki wo ungaŵawovya kuti ataskiki. Mwaviyo kuti tizitaskiki, tikhumbika kwambiyapu limu sonu kunozgeke kuvwiya ulongozgi wewosi wo tingapaskika.—Lk 16:10.

• Munozgekiyengi mwauzimu: Mujengi ndi ndondomeku yakuchitiya vinthu vauzimu. Musambirengi nthowa zosi zakupharazgiya. Mungachitanga mantha cha asani mwe kutali ndi abali ndi azichi. (Yes 30:15) Mwe mwija cha, Yehova ndi Yesu ŵe namwi.—od 176 ¶15-17

• Munozgekiyengi mwakuliŵavu: Kusazgiyapu pa kuŵa ndi vikwama vo mungaŵikiyamu limu vinthu vakukhumbika, mutenere so kusunga chakurya chakukwana, maji, munkhwala kweniso vinthu vo muwona kuti vingachikuwovyani kwa nyengu yitaliku asani mwathaŵiya kumalu nganyaki.—Nth 22:3; g17.5 4, 6

WONERIYANI VIDIYO YAKUTI KUMBI MUNOZGEKE NGOZI ZACHILENGEDU? NDIPU MUKANI MAFUMBU YANGA:

• Kumbi tingachita wuli kuti tinozgeke mwauzimu masoka ngo ngangachitika?

• Ntchifukwa wuli tikhumbika . . .

  • kukambiskana ndi ŵara?

  • kusungiya limu vinthu vo vingazitiwovya asani kwachitika ngozi?

  • kukambiskana masoka ngo ngangachitika muchigaŵa cho tija kweniso vo tingachita kuti tivikiliriki?

• Kumbi ndi vinthu vitatu nivi vo tingachita kuti tiwovyi anyidu wo akumana ndi ngozi?

JIFUMBENI KUTI, ‘Kumbi muliri wa COVID-19 wandisambizanji pa nkhani yakunozgeke ngozi?’