Tisuzgika kuti tijiko ku makhumbiru ngaheni chifukwa chakuti te ŵanthu ambula kufikapu. Asani tichita waka vevosi vo tikhumba, Yehova wangaleka kutiyanja. Mwakuyeruzgiyapu, ŵanthu anyaki atanja ukongwa chakurya, vakuvwala pamwenga nyumba kuluska Yehova. Anyaki achita malusu ngaheni ngakugonana kwambula kuŵanaŵaniya fundu zaku Chiuta. (Ar 1:26, 27) Ŵanthu anyaki achita vinthu viheni chifukwa cha kuchichizgika ndi anyawu kopa kuti anyawu aŵatinkhengi.​—Ek 23:2.

Kumbi tingajivikiriya wuli ku makhumbiru ngaheni? Titenere kuyesesa kuti tichitengi vo vikondwesa Yehova. (Mt 4:4) Ndipuso tiŵeyeriyengi Yehova kuti watiwovyi kuti tijikongi ku makhumbiru ngaheni. Ntchifukwa wuli tikamba viyo? Chifukwa chakuti Yehova watitiziŵa umampha kweniso waziŵa umampha vo tikhumbika kuti tikondwengi.​—Sl 145:16.

WONERIYANI VIDIYO YAKUTI LEKANI KUZOMEREZA KUTI UMOYU WINU UNANGIKI CHIFUKWA CHA KUKWEŴA, NDIPU MUKANI MAFUMBU YANGA:

• Ntchifukwa wuli ŵanthu anyaki akweŵa?

• Kumbi mungakumana ndi masuzgu wuli chifukwa cha kukweŵa?

• Ntchifukwa wuli kukweŵa kweniso kugwiriskiya ntchitu nthowa zinyaki zakukweŵe nkhuheni?—2Ak 7:1

• Kumbi mungakana wuli asani munthu watikuchichizgani kuti mukweŵi pamwenga kuleka chiziŵirizga cha kukweŵa?