Po umaliru wa charu ichi we pafupi, nkhondu, uchigaŵenga kweniso viwawa visazgikiyengeku. (Chv 6:4) Kumbi tinganozgeke wuli masuzgu ngo ngachitikengi munthazi?

• Munozgekiyengi mwauzimu: Ziŵani fundu za mu Bayibolu zo zingakuwovyani kuti muthembengi ukongwa Yehova ndi gulu laki kweniso zo zingakuwovyani kuti muleki kuseleriyapu pa vinthu vo vichitika mucharu. (Nth 12:5; jr 125-126 ¶23-24) Sonu ndiyu nyengu yamampha kuti tije pa ubwezi wakukho ndi Akhristu anyidu.—1Pe 4:7, 8

• Munozgekiyengi mwakuliŵavu: Muwonesesengi kuti mwe pa malu ngakuvikilirika ndipuso malu ngamampha ngo mungasungaku vinthu. Kweniso, munozgekiyengi vo mungachita asani mukhumba kuthaŵapu pa nyumba yinu. Muwonesesengi kuti mwe ndi chikwama cho mwaŵikiyamu limu vinthu vakukhumbika vo mungachigwiriskiya ntchitu asani kwachitika ngozi ndipu mungaluwanga cha kuŵikamu masiki ndi magulovu ndipuso ndalama. Muziŵengi mo mungakambiskiyana ndi ŵara a mpingu, ndipuso kuti nawu angakambiskana namwi kwambula kusuzga.—Yes 32:2; g17.5 3-7

Lutirizgani kuchita vinthu vauzimu asani kuchitika viwawa. (Afi 1:10) Mungayendangayendanga cha, pijapija asani muthaŵa. (Mt 10:16) Mugaŵiyengeku anyinu vo mwenavu, nge vakurya ndi vinthu vinyaki.—Ar 12:13.

WONERIYANI VIDIYO YAMUTU WAKUTI KUMBI MUNOZGEKE NGOZI? NDIPU MUKANI MAFUMBU YANGA:

• Kumbi Yehova wangatiwovya wuli pa nyengu ya ngozi?

• Kumbi ndi vinthu wuli vo tingachita kuti tinozgeke ngozi?

• Kumbi tingaŵawovya wuli anyidu wo akumana ndi ngozi?