“Yehova wakondwa ndi ŵanthu ŵaki.” (Sl 149:4) Chinanga kuti te ambula kufikapu kweni Yehova wawona mijalidu yamampha yo tenayu kweniso vo tingafiska kuchita. Kweni nyengu zinyaki titijiwona mwambula kwenere. Chifukwa cha mo anyidu achitiya nasi vinthu, tingayamba kujiwona kuti te ambula kukhumbika. Ndipuso tingayamba kukayikiya asani Yehova watitiyanja nadi chifukwa cha vinthu vo tikunangisapu kuvuli. Ntchinthu wuli cho chingatiwovya asani te ndi maŵanaŵanu ngenanga?

Kumbukani kuti Yehova wawona vo ŵanthu angaviwona cha. (1Sa 16:7) Venivi ving’anamuwa kuti Iyu wawona vinandi kuluska vo isi taŵeni tiwona. Bayibolu lititiwovya kuvwisa mo Yehova watitiwone. Tingavwisa venivi asani tiŵerenga nkhani za mu Bayibolu kweniso mavesi ngo ngalongo mo Yehova watanjiya ateŵeti ŵaki.

WONERIYANI VIDIYO YAKUTI SIMIKIZIYANI MTIMA WINU KUTI YEHOVA WATIKUMBANI MULANDU CHA NDIPU MUKANI MAFUMBU YANGA:

• Kumbi chakuyeruzgiyapu cha mwana yo wachita maphara ngakutchimbiya kweniso awisi chititisambizanji pa nkhani ya mo Yehova watitiwone?

  Your answer

• Asani munthu yo wanguchita ubudi ukulu wachita vosi vo vikhumbika kuti wanozgi ubwezi waki ndi Yehova, kumbi wangasimikiziya wuli mtima waki kuti Yehova watimumba mulandu cha?—1Yo 3:19, 20

  Your answer

• Kumbi mubali yo we mu vidiyo iyi wanguyanduwa wuli chifukwa chakuŵerenga ndi kuŵanaŵaniya nkhani yaku Davidi ndi Yehosafati?

  Your answer