Kapolu wakugomezgeka ndi wazeru watitipaska ‘chakurya pa nyengu yakwenere.’ Ivi vilongo kuti Yehova yo walongozga kapolu mwenuyu waziŵa umampha vo tikhumbika mwauzimu. (Mate. 24:45) Pe vinthu vinandi vo vititisimikiziya kuti Yehova waziŵa vo tikhumbika. Vinyaki mwa vinthu ivi ndi maunganu ngakulungakulu kweniso Unganu wa Umoyu Widu Wachikhristu.

WONERIYANI VIDIYO YAKUTI LIPOTI LA KOMITI YAKUWONERE NTCHITU YAKUSAMBIZA LA 2017, PAVULI PAKI MUKANI MAFUMBU YANGA:

• Kumbi ndiyani yo wakhumbika kuwongeka ukongwa chifukwa cha maunganu ngakulungakulu ngo tituŵa nangu, nanga ntchifukwa wuli?

• Kumbi ntchitu yakunozga maunganu ngakulungakulu yitamba zukwanji?

• Kumbi mitu ya maunganu ngakulungakulu yisankhika wuli?

• Kumbi ndi ntchitu nizi zo zichitika pakunozga maunganu ngenanga?

• Kumbi nthowa zo asambiriya ku Giliyadi zitovya wuli pakulemba nkhani zo tisambira pa Unganu wa Umoyu Widu Wachikhristu?

• Kumbi madipatimenti ngakupambanapambana ngachita wuli kuti ngagwiriyi limoza ntchitu yakunozga kabuku ka unganu?

Kumbi yimwi mutuvwa wuli asani mwalonde chakurya chauzimu chakutuliya kwaku Yehova?