TICHITENGI VINTHU NGE AKHRISTU
Mukondwengi Asani Mutombozgeka
Akhristu aziŵa kuti nyengu yeyosi angatombozgeka. (Yoh 15:20) Chinanga kuti tingasuzgika maŵanaŵanu kweniso nyengu zinyaki tingavwa kuŵaŵa asani titombozgeka, kweni tikondwa asani tikunthiyapu.—Mt 5:10-12; 1Pe 2:19, 20.
WONERIYANI VIDIYO YAKUTI TINGAJA NDI LIKONDWA CHINANGA KUTI TITOMBOZGEKA, NDIPU MUKANI MAFUMBU YANGA:
Kumbi mwasambiranji kwa Mubali Bazhenov pa nkhani ya
-
kuŵerenga Bayibolu zuŵa lelosi?
-
kulonde chovyu kutuliya kwa Akhristu anyidu? *
-
kupemphera kaŵikaŵi?
-
kumba sumu za Ufumu?
-
kukambiyaku anyidu vo tigomezga?
^ Tingapemphere abali ndi azichi wo ŵe mujeri ndipu tingazumbuwa mazina ngawu mumapempheru ngidu. Kweni mphakusuzga kuti ofesi yanthambi yiŵatumiziyengi makalata ngo abali atiŵalembe.
