TICHITENGI VINTHU NGE AKHRISTU
Akhristu Auneneska Aziŵika Chifukwa Chakwanjana—Mukondwengi ndi Uneneska
KUMBI VENIVI VAKUKHUMBIKA WULI?: Chifukwa chakuti tiyezga Yesu, tikhumbika kuchitiya ukaboni uneneska wa vo Chiuta wakhumba kuchita. (Yoha. 18:37) Tikhumbika so kukondwa ndi uneneska, tikambengi uneneska kweniso tiŵanaŵaniyengi vinthu vosi vauneneska, chinanga kuti tija mucharu cho ŵanthu anandi atanja kukamba boza kweniso achita vinthu vambula urunji.—1 Akori. 13:6; Afi. 4:8.
KUMBI TINGACHITA WULI VENIVI?:
-
Tingakambanga cha pamwenga kuvwisiya vinthu viheni vakukwaskana ndi ŵanthu anyaki.—1 Ate. 4:11
-
Tingasekeriyanga cha asani anyidu akumana ndi masuzgu
-
Tikondwengi ndi vinthu vamampha kweniso vakuchiska
WONERIYANI VIDIYO YAKUTI “MUYANJANENGI”—KUKONDWA NDI VINTHU VAMBULA URUNJI CHA, MUKONDWENGI NDI UNENESKA, PAVULI PAKI MUKANI MAFUMBU YANGA:
-
Kumbi Debbie wangulongo wuli kuti wakondwa ndi “vinthu vambula urunji”?
-
Kumbi Alice wanguchita wuli kuti ayambi kukambiskana vinthu vamampha ndi Debbie?
-
Kumbi ndi nkhani nizi zamampha zo tingakambiskana ndi anyidu?
Mungakondwanga ndi vinthu vambula urunji cha, mukondwengi ndi uneneska