Kumbi mungayanja kuti mubwezi winu waje ndi mijalidu niyi yamampha? Tikayika cha kuti mungayanja kuti waje wakugomezgeka, walisungu kweniso wakulonde alendu. Mijalidu yeniyi ndiyu Yehova wenayu. (Chitu. 34:6; Machi. 14:17) Iyu watuvwa mapempheru nginu. Iyu watikuwovyani pa nyengu yeyosi yo mukhumba chovyu. (Sumu 18:19, 35) Watikugowokiyani vo munangisa. (1 Yoha. 1:9) Kukamba uneneska Yehova ndi bwezi lamampha ukongwa!

Kumbi mungachita wuli kuti muje pa ubwezi ndi Yehova? Musambirengi vakukwaskana ndi Chiuta mwakuŵerenga Bayibolu. Mumukambiyengi vakukhosi kwinu. (Sumu 62:8; 142:2) Tilongongi kuti tiwona Ufumu waku Chiuta, Mwana waki, ndipuso malayizgu ngaki kuti vakuzirwa nge mo Yehova wativiwone. Mukambiyengeku ŵanthu anyaki vakukwaskana ndi iyu. (Mara. 32:3) Asani mungaja pa ubwezi ndi Yehova, iyu wazamuja Mubwezi winu mpaka muyaya.—Sumu 73:25, 26, 28.

WONERIYANI VIDIYO YAKUTI ACHINYAMATA—“LAŴANI, NDIPU MUWONENGI KUTI YEHOVA NGWAMAMPHA,” PAVULI PAKI MUKANI MAFUMBU YANGA:

• Kumbi mutenere kuchitanji kuti mujipatuliyi kweniso mubatiziki?

• Kumbi abali mu mpingu angakuwovyani wuli kuti muteŵete Yehova?

• Kumbi kuteŵete Yehova kungakuwovyani wuli kuti muje nayu pa ubwezi wamampha?

• Kumbi ndi mauteŵeti nanga ngo mungachita mu gulu laku Yehova?

• Ntchifukwa wuli mutanja Yehova?