Mu mwezi wa November, tazamuyesesa kuchita vosi vo tingafiska kuti tizipharazgi uthenga wamampha wakuti charu chamampha ukongwa che pafupi. (Sl 37:10, 11; Chv 21:3-5) Mukhumbika kusintha ndondomeku yinu kuti muzigwireku mwakukwana ntchitu yapade yeniyi. Asani mukhumba kuzichita upayiniya wakovya mungazisankha kuchita upayiniya wa maora 30 pamwenga 50 mu mwezi wenuwu.

Munozgeke kuziŵerenge ŵanthu anandi malemba ngo ngakamba va charu chifya. Pakusankha lemba, ŵanaŵaniyani vo vingakondwesa ŵanthu a muchigaŵa chinu. Asani munthu yo mwamupharazgiya pa ulendu wakwamba wakhumba kuziŵa vinandi, mungamugaŵiya Chigongwi cha Alinda cha Na. 2 2021. Mungasweranga cha kuweliyaku ku munthu yo wangulongo kuti wakhumba kuziŵa vinandi ndipu yambani kusambira nayu kabuku kamutu wakuti Kondwani ndi Umoyu Kwamuyaya! Ndi mwaŵi ukulu ukongwa kupharazga mwakukwana “ uthenga wamampha wa vinthu vamampha”!—Yes 52:7.

WONERIYANI VIDIYO YA SUMU YAKUTI MUCHARU CHIFYA, NDIPU MUKANI MAFUMBU YANGA:

• Kumbi kamsungwana ka mu vidiyo iyi kaŵanaŵaniyanji?

• Kumbi mukhumbisiska kuziwonanji mu charu chifya?

• Kumbi kuŵanaŵaniya vinthu vo mulindiza kunthazi kungakuwovyani wuli kuti munozgeke ntchitu yapade yo yichitikengi mu November?—Lk 6:45