Kumbi mukondwa kugwiriskiya ntchitu mavidiyo kweniso mafumbu ngo ngatovya munthu kuti waŵanaŵaniyepu ngo nge mu buku lakuti Kondwani ndi Umoyu Kwamuyaya!? Nanga chigaŵa chakuti “Ŵanthu Anyaki Akamba Kuti,” “Vo Mungachita,” ndipuso chakuti “Fufuzani”? Kumbi ndi vigaŵa vinyaki nivi vo muwona kuti vitikuwovyani asani muchitiska masambiru nga Bayibolu?—Mt 28:19, 20.

Mavidiyo ndi Mabuku: Asani mutanja kugwiriskiya ntchitu buku lakusindikiza pakusambira ndi munthu, kumbi mungachita wuli kuti musaniyi mavidiyo kweniso mabuku? Asani buku linu le mu foni, sankhani chigaŵa chimoza pa vigaŵa vinayi. Lutani mumphata mwa masambiru nga pa chigaŵa cho mwasankha, po alemba kuti mavidiyo ndi mabuku ndipu pangani dawunilodi vinthu vo ve penipo. (Wonani chithuzi 1.)

Vo mungachita kuti buku la pa JW Library liwonekengi nge “Buku Lakusindikiza”: Asani mugwiriskiya ntchitu foni pakusambira ndi munthu, panyaki mungayanja kuti buku linu liwonekengi nge lakusindikiza. Asani mwajula sambiru, lutani muchanya kumaryi ndipu mubofo po pe timadoti titatu, sankhani po alemba kuti “Printed Edition.” Venivi vikuwovyeningi kuti muŵanaŵaniyengi kukoliyana kwa nkhani yo mukambiskana ndi sambiru losi. Kuti buku linu liwonekengi nge mo lenge pakwamba, bofoni so po pe timadoti titatu, ndipu sankhani po alemba kuti “Digital Edition.”

“Kumbi nde Wakunozgeka?”: Mabokosi ngenanga nge chakukumaliya kwa buku ndipu ngakamba vinthu vo munthu wangachita kuti wayambi kupharazga ndi mpingu kweniso kuti wabatiziki. (Wonani chithuzi 2.)

Fundu Zakukumaliya: Fundu zakukumaliya zikonkhoska fundu zakukwaskana ndi nkhani zakukhumbika. Mu buku la pafoni, kukumaliya kwa fundu yakukumaliya yeyosi kwe linki yo yitovya kuti muwere po mungulekeze mu sambiru lo mwasambiranga. (Wonani chithuzi 2.)