Weyosi wachita chitima nyengu zinyaki. Asani munthu wachita chitima vilongo kuti ngwakulopwa cha mwauzimu. Ve viyo, chifukwa chakuti Yehova nayu wachita chitima nyengu zinyaki. (Ge 6:5, 6) Kweni wuli asani nyengu zosi pamwenga kaŵiŵi tijaliya waka kuchita chitima?

Mupempheni Yehova kuti wakuwovyeni. Yehova wakhumbisiska kuziŵa mo tivwiya. Iyu waziŵa asani takondwa pamwenga cha. Iyu waziŵa mo tiŵanaŵaniya kweniso mo tivwiya. (Sl 7:9b) Chakuzirwa ukongwa ntchakuti Yehova watitiphwere ndipu wangatiwovya asani te ndi chitima kweniso asani tasuzgika maŵanaŵanu.​—Sl 34:18.

Muvikiliyengi maŵanaŵanu nginu. Maŵanaŵanu ngaheni ngangachitiska kuti tileki kukondwa pe cha kweni ngangatimbanyizga so ubwezi widu ndi Yehova. Mwaviyo tikhumbika kuvikiliya mtima widu wo ndi umunthu wamkati.​—Nth 4:23.

WONERIYANI VIDIYO YAKUTI MO ABALI ŴIDU AKONDWE NDI CHIMANGU CHINANGA KUTI ASUZGIKA MAŴANAŴANU, NDIPU MUKANI MAFUMBU YANGA:

• Kumbi ndi vinthu wuli vo Nikki wanguchita kuti waleki kusuzgika maŵanaŵanu?

  Your answer

• Ntchifukwa wuli Nikki wawonanga kuti wakhumbika chovyu chakuchipatala?​—Mt 9:12

  Your answer

• Kumbi Nikki wangulongo wuli kuti wathemba Yehova?

  Your answer