September 2-8
MASALIMO 79-81
Sumu 29 ndi Pempheru | Mazu Ngakwamba (1 min.)
1. Mulongongi Kuti Mutanja Zina Launkhankhu Laku Yehova
(10 min.)
Lekani kuchita vinthu vo vileka kutumbika Yehova (Sl 79:9; w17.02 9 ¶5)
Mudaniyengi pa zina laku Yehova (Sl 80:18; ijwbv 3 ¶4-5)
Yehova watiŵatumbika ukongwa ŵanthu wo atimuvwiya kweniso wo atimuyanja (Sl 81:13, 16)
Kuti mijalidu yidu yilongongi kuti timiya zina laku Yehova, tikhumbika kujiziŵikiska kuti ndisi Kaboni waku Yehova
2. Fundu Zakuzirwa za mu Bayibolu
(10 min.)
-
Sl 80:1—Ntchifukwa wuli zina laku Yosefi nyengu zinyaki aligwiriskiyanga ntchitu pakukamba mtundu wosi wa Ayisirayeli? (it-2 111)
-
Kumbi ndi fundu nizi zakuzirwa zo mwasaniya pakuŵerenga Bayibolu sabata yinu?
3. Kuŵerenga Bayibolu
(4 min.) Sl 79:1–80:7 (th sambiru 10)
4. Mo Mungayambiya Kukambiskana ndi Ŵanthu
(1 min.) KUPHARAZGA KUNYUMBA NDI NYUMBA. Mupempheni kuti muyambi kusambira nayu Bayibolu. (lmd sambiru 4 fundu 4)
5. Mo Mungayambiya Kukambiskana ndi Ŵanthu
(3 min.) KUPHARAZGA MWAMWAŴI. Mupempheni kuti muyambi kusambira nayu Bayibolu. (lmd sambiru 4 fundu 3)
6. Mo Mungayambiya Kukambiskana ndi Ŵanthu
(2 min.) KUPHARAZGA KUMALU NGO KUSANIRIKA ŴANTHU ANANDI. Mupempheni kuti muyambi kusambira nayu Bayibolu. (lmd sambiru 3 fundu 3)
7. Ulendu Wakuweliyaku
(5 min.) KUPHARAZGA KUNYUMBA NDI NYUMBA. Yambani kusambira Bayibolu ndi munthu walinweka yo pakwamba wangukana kusambira. (lmd sambiru 8 fundu 3)
Sumu 10
8. “Azamutowesa Zina Langu”
(15 min.) Nkhani yakukambiskana.
Satana wangwamba kukamba vinthu vaboza vakukwaskana ndi zina laku Yehova mu munda wa Edeni. Kutuliya pa nyengu yeniyi, chinthu chakukhumbika ukongwa cho ŵanthu kweniso angelu angasankha kuvikiliya zina laku Yehova pamwenga cha.
Wonani maboza nganyaki ngo Satana wakuwandisa ngakukwaskana ndi Yehova. Iyu wangukamba kuti ngwakulamuliya wankhaza kweniso wambula chanju. (Ge 3:1-6; Yb 4:18, 19) Iyu wangukamba so kuti, ŵanthu wo atimusopa atimuyanja ukongwa cha. (Yb 22:4, 5) Satana wakuchitiska kuti ŵanthu mamiliyoni nganandi agomezgengi kuti ndi Yehova cha yo wakulenga vinthu vakutowa vo ve muchilengedu.—Ar 1:20, 21.
Kumbi mutuvwa wuli asani mutuvwa maboza ngenanga? Tikayika cha kuti mukhumbisiska kungasuska kweniso kuvikiliya zina laku Yehova! Iyu wanguziŵa kuti ŵanthu ŵaki azamukhumbisiska kutowesa zina laki. (Yeruzgiyani ndi Yesaya 29:23.) Kumbi yimwi mungawovya wuli kutowesa zina laki?
-
Wovyani ŵanthu kuti aziŵi ndi kwanja Yehova. (Yoh 17:25, 26) Muŵengi akunozgeka kuŵakambiya ukaboni wakuti iyu waliku nadi kweniso muŵasambizengi mijalidu yamampha yo wenayu.—Yes 63:7
-
Muyanjengi Yehova ndi mtima winu wosi. (Mt 22:37, 38) Mukhumbika kuvwiya marangu ngaku Yehova, chifukwa chakuti muwona kuti ngamampha kweniso mukhumba kumukondwesa.—Nth 27:11
Wonesani VIDIYO yakuti Chanju Chimala Cha Chinanga Kuti . . . Musambira Sukulu ndi Ŵanthu a Mijalidu Yiheni. Ndipu fumbani akuvwisiya mafumbu yanga:
-
Kumbi Ariel ndi Diego anguvikiliya wuli zina laku Yehova?
-
Kumbi ndi vinthu wuli vo vinguŵawovya kuti avikiliyi zina laku Yehova?
-
Kumbi yimwi mungaŵayezga wuli?
9. Sambiru la Bayibolu la Mpingu
(30 min.) bt mutu 15 ¶1-7 ndipuso vo tisambirengi mu chigaŵa 6
