Mazu kwa Apapi

Kumbi nchawanangwa chamampha ukongwa nichi cho mungapaska ŵana ŵinu? Pe vinthu vinandi vo akhumba, kusazgiyapu kuŵayanja, kuŵalongozga ndipuso kuŵavikiliya. Kweni chawangwa chakuzirwa ukongwa nkhuŵasambiza kuti aziŵi Yehova ndipuso uneneska wa m’Bayibolo. (Yohane 17:3) Kuziŵa Yehova kungaŵawovya kuti amuyanjengi ukongwa ndi kumuteŵete ndi mtima wosi, chinanga angaŵa anamana.—Mateyu 21:16.

Apapi anandi awona kuti ŵana anamana ukongwa avwisisa asani asambizika munthowa yipusu. Mwaviyo, te akukondwa kutuzga kabuku yaka kamutu wakuti, Vo Ndisambira m’Bayibolo. Sambiru lelosi likunozgeke kuti lisambizi mwana m’nthowa yipusu. Vinthuzi ndipuso mazu nga m’kabuku yaka vikunozgeke ukongwa ŵana a vyaka vitatu kusikiya pasi. Mwe so masachizgu nga vo ŵana angachita. Kabuku yaka nkhakuti ŵana achitiyengi saza cha kweni nkhakuŵasambiziya. Imwi muŵerengengi nayu limoza mwana winu ndipuso kukambiskana nayu.

Te ndi chigomezgu kuti kabuku yaka kakuwovyeningi ukongwa pakusambiza ŵana ŵinu uneneska wa m’Bayibolo “kutuwa ku ulitema.”—2 Timote 3:14, 15.

Ndisi abali ŵinu,

Wupu Wakulongozga wa Akaboni aku Yehova

[Chithuzi papeji 3]