Kumbi Ntchinthu Wuli Cho Chingawovya Kuti Banja Likondwengi?
Kumbi muwona kuti ndi . . .
-
chanju?
-
ndalama?
-
pamwenga pe chinthu chinyaki?
VO BAYIBOLU LIKAMBA
“Mbakukondwa wo atuvwa mazu ngaku Chiuta ndi kungasunga!”—Luka 11:28, Bayibolu la Charu Chifya.
KUMBI VENIVI VING’ANAMUWANJI KWAKU YIMWI?
Vingakuwovyani kuti muyanjanengi ukongwa.—Aefeso 5:28, 29.
Vingakuwovyani kuti mutumbikanengi.—Aefeso 5:33.
Vingakuwovyani kuti muje akuvikilirika.—Mariko 10:6-9.
KUMBI TITENERE KUGOMEZGA VO BAYIBOLU LIKAMBA?
Hinya. Pe vifukwa viŵi vo titenere kuchitiya viyo:
-
Chiuta ndiyu wakwambisa banja. Bayibolu likamba kuti Yehova Chiuta ‘wapereka zina ku banja lelosi.’ (Aefeso 3:14, 15) Mu nthowa yinyaki tingakamba kuti Yehova ndiyu wakuchitiska kuti mabanja ngaŵeku. Ntchifukwa wuli kuziŵa fundu iyi nkhwakukhumbika ukongwa?
Ŵanaŵaniyani chakuyeruzgiyapu ichi: Asani muturya chakurya chakunowa ndipu mukhumba kuti muziŵi vo vachitiska kuti chinowi viyo, kumbi mungafumba yani? Viwoneke limu kuti mufumbengi yo wabika.
Mwakuyanana ŵaka, kuti tiziŵi vo vingawovya kuti banja likondwengi, tingachita umampha kufumba Yehova yo wakwambiska banja.—Genezesi 2:18-24.
-
Chiuta watikuphweriyani. Mabanja ngangachita umampha kupenja ulongozgi waku Yehova mu Mazu ngaki. Chifukwa wuli? “Chifukwa iyu watikuŵanaŵaniyani.” (1 Peturo 5:6, 7) Yehova watikuŵanaŵaniyani ukongwa ndipu ulongozgi waki ngwakovya nyengu zosi!—Nthanthi 3:5, 6; Yesaya 48:17, 18.
ŴANAŴANIYANI FUNDU IYI
Kumbi mungachita wuli kuti muje munthulumi, munthukazi pamwenga mupapi wamampha?
Bayibolu limuka fumbu ili pa AEFESO 5:1, 2 ndi AKOLOSE 3:18-21.
Mungayanja Kuŵerenga so Nkhani Izi
JANI MASU!
Zeru zo Zingawovya Kuti Muje ndi Banja Lalikondwa
Kumbi anthulumi akuto, anthukazi akuyirwa, apapi kweniso ŵana, angachita wuli kuti akondwengi mubanja?
MAFUMBU NGO BAYIBOLU LIMUKA
Kumbi Bayibolu Likambanji pa Nkhani Yakukwaskana ndi Nthengwa?
Fundu za mu Bayibolu zingawovya ŵanthu akutorana kuti akhwechi pamwenga amalani ndi masuzgu.
MAFUMBU NGO BAYIBOLU LIMUKA
Kumbi Bayibolu Lingandiwovya Kuja ndi Banja Lalikondwa?
Ulongozgi wazeru wakutuliya mu Bayibolu wawovya anthulumi ndi anthukazi anandi kuja ndi banja lalikondwa.
JANI MASU!
Mabanja Ngalikondwa—Kuchitiya Vinthu Limoza
Kumbi munthu yo mukutorana nayu mutimuwona nge munthu yo muja ŵaka nayu nyumba yimoza?
VAKUKWASKANA NDI ISI
Ntchifukwa Wuli Tikhumbika Kusambira Bayibolu?—Vidiyo Yosi
Bayibolu limuka mafumbu nga ŵanthu mamiliyoni nganandi pacharu chosi ngakukwaskana ndi umoyu. Kumbi mungayanja kuja mu gulu la ŵanthu ŵenaŵa?
VAKUKWASKANA NDI ISI
Pemphani Kuti Musambirengi Bayibolu
Kambiskanani fumbu la mu Bayibolu pamwenga ziŵani vinandi vakukwaskana ndi Akaboni aku Yehova.
