CHIGAŴA 6
Kuwa Kwaku Yesu Kuzifika Panyengu yo Wangufwiya
M’ngelu Gabriele wangutumika kuti waluti kwa msungwana wankharu yamampha Mariya. Iyu wangumukambiya kuti wazamubala mwana yo wazamuwusa nge fumu yamuyaya. Mwana yo wenga Yesu, iyu wanguwiya m’khola ndipu aliska anguluta kuchimuwona. Pavuli paki, nyenyezi yingulongozga ŵanthu, kutuwa ku Vuma kuluta kuchiwona mwana yo. Tiziŵengi yo wanguŵachitiska kuti awoni nyenyezi ndi mo Yesu wangupozomoke ku ŵanthu wo akhumbanga kumubaya.
Pavuli paki, tisambirengi zaku Yesu wachikambiskana ndi asambizi m’nyumba yakusopiyamu panyengu yo wenga ndi vyaka 12. Pati pajumpha vyaka 18, Yesu wangubatizika ndipu wangwamba nchitu ya kupharazga za Ufumu ndi kusambiza, yo Chiuta wangumutuma kuzichita pacharu. Yesu wangusankha anthurumi 12 kuti amuwovyi nchitu iyi ndipu wanguŵaŵika kuja akutumika ŵaki.
Yesu wanguchita so vakuziziswa vinandi. Iyu wanguryisa ŵanthu masawuzandi nganandi ndi somba zimanavi kweniso viŵandi vimanavi va mkati. Wanguchizga akutama ndi kuyuska akufwa. Pakumaliya, tisambirengi vinthu vinandi vo vinguchitikiya Yesu we pafupi kufwa ndi mo wangubayikiya. Yesu wangupharazga kwa vyaka pafupifupi vitatu ndi myezi 6. CHIGAŴA 6 chikonkhoska vinthu vo vinguchitika kwa vyaka vakujumpha 34.
PA CHIGAŴA ICHI
NKHANI 84
Mungelu Waza Kwaku Mariya
Iyu wanguza ndi uthenga wakutuliya kwaku Chiuta wakuti: Mariya wabalengi mwana yo wazamuja fumu ya muyaya.
NKHANI 85
Yesu Wanguwiya M’khola
Ntchifukwa wuli munthu yo wanguzija fumu kunthazi wanguwiya m’khola lo aryiskiyangamu viŵetu?
NKHANI 86
Ŵanthu Angulongozgeka ndi Nyenyezi
Kumbi ndiyani yo wangulongozga akusanda nyenyezi kwaku Yesu? Kwamuka kwaki nkhwakukhumbika ukongwa.
NKHANI 87
Yesu we M’nyumba Yakusopiyamu
Iyu wachita chinthu chinyaki cho chiziziswa ŵanthu arara wo asambizanga mu nyumba yakusopiyamu.
NKHANI 90
Yesu Wangukumana ndi Munthukazi Pachisimi
Kumbi maji ngo Yesu watingi wamupasengi, ngatingi ngachitisengi wuli kuti munthukazi uyu waleki kuvwa so nyota?
NKHANI 92
Yesu Wayuska Munthu Wakufwa
Mwakuwovyeka ndi nthazi yaku Chiuta, Yesu wangukamba ŵaka mazu ngaŵi mbwenu wayuska mwana waku Yairo.
NKHANI 93
Yesu Waryisa Ŵanthu Anandi
Chifukwa chakuti Yesu wanguryiska ŵanthu anandi, kumbi venivi vititisambiza fundu yakukhumbika niyi?
NKHANI 94
Yesu Wayanjanga Tiŵana
Yesu wasambiza akutumika kuti pe vinthu vinandi vo akhumbika kusambira vakukwaskana ndi ŵana kweniso kutuliya ku ŵana.
NKHANI 95
Nthowa yo Yesu Wangusambiziya
Ntharika ya M’samaria ndiyu yenga nthowa yamampha yo Yesu wayigwiriskiyanga nchitu pakusambiza.
NKHANI 96
Yesu Wachizga Akutama
Kumbi Yesu wangufiska mazu nanga pavuli pa kuchita vakuziziswa vosi vo wanguchita?
NKHANI 97
Yesu Wanguza nge Fumu
Ŵanthu anandi angumulondere, kweni ŵanthu anyaki angukondwa nayu cha.
NKHANI 98
Pa Phiri la Olivete
Yesu wakambiya akutumika ŵaki vakukwaskana ndi vinthu vo vichitika mu nyengu yidu yinu.
NKHANI 99
M’chipinda Chapachanya
Ntchifukwa wuli Yesu wangukambiya akusambira ŵaki kuti achitengi mwambu wapade wenuwu chaka chechosi?
