CHIGAŴA 7
Chiyuka Chaku Yesu Kuzifika Panyengu yo Paulo Wanguŵikikiya M’jeri
Yesu wanguyuka pazuŵa lachitatu kutuliya po wangufwiya. Pazuŵa lenilo wanguyukiya, wanguwoneke kwa akumulondo ŵaki kakukwana kankhondi panyengu zakupambanapambana. Yesu wangulutirizga mbwenu kuwoneke kwaku yiwu kwa mazuŵa 40. Pavuli paki, Yesu wangukwera kuchanya akusambira ŵaki anyaki achiwona. Ndipu pati pajumpha mazuŵa 10, Chiuta wanguŵapaska mzimu waki utuŵa akulondo ŵaku Yesu wo alindizganga ku Yerusalemu.
Pavuli paki, arwani ŵaku Chiuta anguko akutumika ndipu anguŵaŵika m’jeri, kweni m’ngelu wanguŵafwatuwa. Wakusambira waku Yesu Stefano, wanguponyeka mya ndi ŵanthu akususka mpaka kufwa. Tisambirengi za mo Yesu wangusankhiya yumoza wa ŵanthu akususka yaŵa, kuja muteŵeti waki wapade, yo wanguzija wakutumika Paulo. Ndipu pati pajumpha vyaka vitatu ndi myezi 6, Yesu wati wafwa, Chiuta wangutuma wakutumika Petro kuti wakapharazgi kwaku Kornelio ndi banja laki wo ŵenga Ayuda cha.
Pati pajumpha vyaka pafupifupi 13, Paulo wangwenda ulendu waki wakwamba wa kuchipharazga. Paulendu waki wachiŵi, iyu wangwenda ndi Timote. Tisambirengi zaku Paulo ndi anyaki wo wayendanga nawu ndipuso vakuchitika vakukondweska vo akumananga navu pakuteŵete Chiuta. Pakumaliya, Paulo wanguŵikika m’jeri ku Roma. Vyaka viŵi vati vakapu iyu wangufwatulika, kweni wanguŵikika so m’jeri ndipu wangubayika. Vakuchitika va CHIGAŴA 7, vinguchitika mu vyaka vakujumpha pafupifupi 32.
PA CHIGAŴA ICHI
NKHANI 102
Yesu Wayuka
Mungelu wati watuzgapu mwa pa muunda waku Yesu, asilikali wo alondiyanga anguzizwa ukongwa ndi vo anguwona mukati mwa muunda.
NKHANI 103
M’chipinda Chakujara
Ntchifukwa wuli akusambira ŵaki anguleka kumuziŵa Yesu wati wayuskika ŵaka?
NKHANI 105
Angulindizga mu Yerusalemu
Ntchifukwa wuli Yesu wangupunguliya mzimu wakupaturika pa akusambira ŵaki pa Pentekoste?
NKHANI 106
Atuzgika M’jeri
Alongozgi a Chiyuda anguŵika akutumika m’jeri kuti aleki kupharazga kweni Chiuta ŵenga ndi maŵanaŵanu nganyaki.
NKHANI 108
Panthowa ya ku Damasko
Ukweru ndipuso mazu ngakutuliya kuchanya ngangusintha umoyu waku Saulo.
NKHANI 109
Petro Wakumana ndi Kornelio
Kumbi Chiuta wawona kuti ŵanthu amtundu unyaki aruska amtundu unyaki?
NKHANI 110
Timote Wangwamba Kuwovya Paulo
Timote wangutuwaku kwawu ndi kuluta kuchipharazga ndi Paulo.
NKHANI 111
Mnyamata yo Wangugona Tulu
Eutuko wangugona panyengu yo Paulo wakambanga nkhani yaki yakwamba, yachiŵi cha. Cho chinguchitika pa nkhani ziŵi zo zingukambika chenga chakuziziswa ukongwa.
NKHANI 112
Boti Lingusweke Pachilumba
Po wosi awonanga kuti palivi cho angachita, Paulo wangulonde uthenga kutuliya kwaku Chiuta wo ungumuwovya kuziŵa kuti wosi aponengi.