Kalata Yakutuliya ku Wupu Wakulongozga

Wupu Wakulongozga utikuchiskani kuti muŵerengi ndi kusambira buku ili nge banja pamwenga pakumwija kuti muyanduwi nalu.

Mazu Ngakwamba

Mu Bayibolo mwe nkhani zinandi za anthurumi ndi anthukazi akugomezgeka. Kumbi tingachita wuli kuti tiyanduwi ndi vakuwoniyapu vawu?

ABELU

‘Chinanga Wakufwa, Weche Kulongoro’

Kumbi tingasambiranji vakukwaskana ndi Abelu kweniso chivwanu chaki chinanga kuti wakuzumbulika ukongwa cha m’Bayibolo?

NOWA

“Wangwenda ndi Chiuta”

Kumbi Nowa ndi muwolu waki angukumana ndi masuzgu wuli pakulera ŵana ŵawu? Kumbi angulongo wuli chivwanu pakukhoma chingaraŵa?

ABRAHAMU

“Wiskewu Waku Wosi Ŵakuvwana”

Kumbi Abrahamu wangulongo wuli chivwanu? Kumbi imwi mukhumba kuyezga chivwanu chaku Abrahamu mu nthowa nizi?

RUTI

‘Kweniko Mukayanga Nani Ndikayanga Kweniko’

Nchifukwa wuli Ruti wenga wakunozgeka kuleka banja laki kweniso charu chaki? Kumbi Ruti wangulongo mijalidu wuli yo yingumuchitiska kuti waje wakwenere pamasu paku Yehova?

RUTI

“Munthukazi Wakuzirwa”

Nchifukwa wuli banja laku Ruti ndi Boazi ndakupambana ndi mabanja nganyaki? Kumbi tisambiranji kwaku Ruti ndi Naomi pa nkhani ya banja?

HANA

Wangukambiya Chiuta Vakukhosi Kwaki

Chivwanu chaku Hana mwaku Yehova chingumuwovya kuti wakunthiyepu suzgu yo yawonekanga kuti yenga yikulu.

SAMUELE

‘Wangulutirizga Kukuwa Umampha Wachilumbika’ Ndi Yehova

Kumbi nchitu wuli cho nchakuziziswa pa nkhani ya mo Samuele wakulereke? Nchinthu wuli cho chingumuwovya kuti chivwanu chaki chilutirizgi kukuwa pa nyengu yo wenga pachihema?

SAMUELE

Wangukunthiyapu Chinanga Kuti Waguŵiskikanga

Weyosi wakumana ndi masuzgu kweniso vinthu vinyaki vo vitesa chivwanu chidu. Kumbi kukunthiyapu ko Samuele wanguchita kungatisambizanji?

ABIGAILI

Wanguchita Vinthu Mwazeru

Kumbi tisambiranji pa masuzgu ngo Abigaili wangukumana nangu mu nthengwa?

ELIYA

Wanguvikiriya Kusopa Kwauneneska

Kumbi tingamuyezga wuli Eliya asani tichita vinthu ndi ŵanthu wo aleka kukoliyana ndi vo Bayibolo lisambiza?

ELIYA

Wenga Masu Ndipuso Wangulindizga

Kumbi mchimi Eliya wangulongo wuli kuti walelezgiyanga Yehova kuti wafiski malayizgu ngaki?

ELIYA

Chiuta Waki Wamuchiskanga

Kumbi nchinthu wuli cho chinguchitiska kuti Eliya wasuzgiki maŵanaŵanu mpaka kupempha kuti wafwi?

YONA

Wangusambira pa vo Wangunangiska

Kumbi namwi mukuchitapu mantha kufiska uteŵeti wo Yehova wakupaskani nge mo wanguchitiya Yona? Nkhani yaku Yona yititisambiza kuti Yehova ngwakuzizipizga ndipuso ngwalisungu.

YONA

Wangusambira Kuchitiya Lisungu Ŵanthu

Kumbi nkhani yaku Yona yingatiwovya wuli kuti tijisandengi mwakwenere?

ESTERE

Wangutaska Ŵanthu aku Chiuta Mwachiganga

Pakhumbika chivwanu kweniso chiganga kuti tijipereki nge mo Estere wanguchitiya.

ESTERE

Wanguchita Vinthu Mwazeru, Mwachiganga Kweniso Mwambula Kujanja

Kumbi Estere wangulongo wuli kuti watanja Yehova kweniso ŵanthu ŵaki?

MARIYA

‘Nde Muŵanda Waku Yehova’

Kumbi vo Mariya wangumuka mungelu Gabriele vingulongo kuti wenga ndi chivwanu wuli? Kumbi ndi mijalidu yinyaki yamampha niyi yo wangulongo?

MARIYA

Wanguŵika Mazu Ngosi “Mumtima Waki”

Mariya wangugomezga malayizgu ngaku Yehova chifukwa cha vo wanguwona ku Betelehemu.

YOSEFE

Wavikiliyanga ndi Kuphwere Banja Laki Kweniso Wangulutirizga Kuja Wakugomezgeka

Kumbi Yosefe walivikiliyanga wuli banja laki? Nchifukwa wuli Yosefe wanguluta ndi Mariya kweniso Yesu ku Egipiti?

MARTA

“Ndavwana”

Kumbi Marta wangulongo wuli chivwanu chinanga mphanyengu ya nyifwa?

PETRO

Wangulimbana ndi mantha kweniso mtima wakudonda

Kudonda kungachitiska kuti munthu watimbanyizgiki ukongwa. kweni Petro wangumalana ndi mantha kweniso kudonda.

PETRO

Wangugomezgeka Chinanga Kuti Wakumananga ndi Mayeseru

Kumbi chivwanu ndi kugomezgeka vingumuwovya wuli Petro kuzomerezga wati wachenyeka?

PETRO

Chakuwoniyapu Chaku Yesu Chingumusambiza Kugowoka

Kumbi Yesu wangumusambizanji Petro pa nkhani ya kugowoka? Kumbi Yesu wangulongo wuli kuti wamugowoke Petro?