SAMBIRU 48
Musankhengi Umampha Mabwezi
Mabwezi ngatitiwovya kuti tikondwengi ndi umoyu, kweniso ngatitichiska asani takumana ndi masuzgu. Kweni Bayibolu litititcheŵeska kuti ndi weyosi cha yo wangaja bwezi lamampha. Sonu kumbi mungachita wuli kuti musankhengi umampha mabwezi? Ŵanaŵaniyani mafumbu yanga.
1. Kumbi mabwezi ngo musankhengi ngakuwovyeningi kuja ndi mijalidu yamampha pamwenga yiheni?
Kanandi titole mijalidu ya ŵanthu wo ticheza nawu. Tingatole mijalidu yamampha pamwenga yiheni ku ŵanthu ŵenaŵa, ndipu venivi vingachitika asani ticheza nawu masu ndi masu pamwenga pavipangizu va mazuŵa nganu. Bayibolu likamba kuti, “Munthu yo watenda ndi ŵanthu azeru wajengi wazeru, kweni yo wachitiya limoza vinthu ndi ŵanthu akupusa [pamwenga kuti wo aleka kwanja Yehova] wapwetekekengi.” (Nthanthi 13:20) Asani mwasankha mabwezi ngo ngatanja ndipuso ngasopa Yehova, ngangakuwovyani kuti muje pa ubwezi wakukho ndi iyu kweniso kuti musankhengi umampha vinthu. Kweni asani mwasankha mabwezi ngo ngaleka kwanja Yehova, ngangakuchitiskani kuti muleki kuja pa ubwezi ndi iyu. Ndichu chifukwa chaki Bayibolu lititichiska kuti tisankhengi umampha mabwezi! Asani tasankha mabwezi ngo ngatanja Chiuta, tosi tiwovyana chifukwa tilutirizga “kuchiskana ndi kuzengana.”—1 Atesalonika 5:11.
2. Kumbi Yehova wavwengi wuli ndi mabwezi ngo musankhengi?
Yehova wasankha mabwezi mwakuphwere ukongwa. Iyu “waja pa ubwezi wakukho ndi munthu wakunyoloka.” (Nthanthi 3:32) Kumbi muwona kuti Yehova wangavwa wuli asani tingasankha mabwezi ngo ngaleka kumuyanja? Iyu wangaguŵa ukongwa! (Ŵerengani Yakobe 4:4.) Kweni Yehova wangakondwa ukongwa kweniso wangaja nasi pa ubwezi asani tisankha kuja pa ubwezi ndi ŵanthu wo atimuyanja, ndipuso asani tikana kukolana ubwezi ndi ŵanthu a mijalidu yiheni.—Salimo 15:1-4.
SAMBIRANI VINANDI
Wonani chifukwa cho mukhumbikiya kusankha umampha mabwezi kweniso vo mungachita kuti muje ndi mabwezi ngamampha.
3. Musankhengi mabwezi ngamampha
Mungayanjananga cha ndi ŵanthu wo aleka kwanja Chiuta kweniso fundu zaki. Woneriyani VIDIYO, pavuli paki kambiskanani fumbu lo le mumphata.
-
Kumbi tingayamba wuli kucheza ndi ŵanthu a mijalidu yiheni kwambula kuziŵa?
Ŵerengani 1 Akorinto 15:33, pavuli paki kambiskanani mafumbu yanga:
-
Kumbi mbanthu naŵa wo muwona kuti angaja mabwezi ngaheni? Ntchifukwa wuli muwona viyo?
Ŵerengani Salimo 119:63, pavuli paki kambiskanani fumbu ili:
-
Kumbi ntchinthu wuli cho chingakuwovyani kuziŵa asani munthu yo waŵengi bwezi lamampha?
Chipasu chimoza chakuvunda, chingananga vinyaki vosi. Kumbi bwezi limoza liheni lingakunangani wuli?
4. Ŵanthu wo tipambana nawu msinkhu kweniso vinthu vinyaki, nawu angaŵa mabwezi ngamampha
Mu Bayibolu musanirika nkhani ya Ayisirayeli ŵaŵi wo ŵenga pa ubwezi, Davidi ndi Yonatani. Yiwu apambananga msinkhu ndipuso Yonatani wenga mwana wa fumu, kweni ayanjananga ukongwa. Ŵerengani 1 Samuyeli 18:1, pavuli paki kambiskanani fumbu ili:
-
Ntchifukwa wuli tikhumbika cha kuyanjana ndi ŵanthu akukhupuka pe, akavu pamwenga wo tiyanana nawu msinkhu?
Ŵerengani Aroma 1:11, 12, pavuli paki kambiskanani fumbu ili:
-
Kumbi mabwezi ngo ngatanja Yehova ngangachiskana wuli?
Mu vidiyo iyi, wonani mo mubali wachinyamata wangusaniriya bwezi lo wapambananga nalu msinkhu. Woneriyani VIDIYO, pavuli paki kambiskanani mafumbu ngo nge mumphata.
-
Nge po tawone mu vidiyo, ntchifukwa wuli apapi aku Akil afipanga mtima ndi mabwezi ngaki nga kusukulu?
-
Ntchifukwa wuli pakwamba iyu wawonanga kuti mabwezi ngenanga ngamampha?
-
Kumbi iyu wanguchita wuli kuti wasaniyi bwezi lamampha?
5. Vo mungachita kuti muje ndi mabwezi ngamampha
Kuti muziŵi vo mungachita kuti musaniyi mabwezi ngamampha kweniso vo namwi mungachita kuti muje bwezi lamampha, woneriyani VIDIYO.
Ŵerengani Nthanthi 18:24 ndipuso 27:17, pavuli paki kambiskanani mafumbu yanga:
-
Kumbi mabwezi ngamampha ngawovyana wuli?
-
Kumbi yimwi muwona kuti mwe ndi mabwezi ngamampha? Asani mulivi, kumbi mungachita wuli kuti muje ndi mabwezi ngamampha?
Ŵerengani Afilipi 2:4, pavuli paki kambiskanani fumbu ili:
-
Asani mukhumba kuja ndi mabwezi ngamampha, namwi mukhumbika kuja bwezi lamampha. Kumbi mungachita wuli venivi?
Asani mukhumba kuja ndi mabwezi ngamampha, namwi mukhumbika kuja bwezi lamampha
ŴANTHU ANYAKI AKAMBA KUTI: “Kusuzgika ndi kusankha cha, weyosi wangaja mubwezi waku.”
-
Kumbi yimwi muwona wuli?
KUMBI MWASAMBIRANJI?
Asani tisankha mabwezi mwazeru, tikondwesa Yehova kweniso vinthu vititiyende umampha.
Kuweriyamu
-
Ntchifukwa wuli Yehova wakwaskika ndi mabwezi ngo tisankha?
-
Kumbi mbanthu amtundu wuli wo tikhumbika cha kuja nawu pa ubwezi?
-
Kumbi mungachita wuli kuti muje pa ubwezi wakukho ndi ŵanthu akwenere?
FUFUZANI
Wonani mo mabwezi ngamampha ngangatiwovye pa nyengu yo takumana ndi mayeseru.
“Saniyani Mabwezi Ngapamtima Umaliru Wechendazi” (Chigongwi cha Alinda, November 2019)
Wonani vo mungachita kuti musaniyi mabwezi ngamampha.
Vo mukhumbika kuziŵa pa nkhani ya mabwezi nga pa intaneti.
Mu nkhani yakuti, “Ndakhumbisiskanga Kusaniya Ada,” wonani vo vinguchitiska munthu munyaki kuti wawoni so umampha mabwezi ngo wenga nangu.
“Bayibolu Lisintha Ŵanthu” (Chigongwi cha Alinda, April 1, 2012)
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Sambiru la Bayibolu lo Akaboni aku Yehova Achitiska Ntchinthu Wuli?
Kuziya mu pulogilamu yawezi ya kusambira Bayibolu ndi Akaboni aku Yehova, mungagwiriskiya ntchitu Bayibolu lelosi. Mungadaniyaku banja linu losi pamwenga mabwezi nginu pa sambiru.
