Vo mungachita kuti muvwisengi vo musambira mu Bayibolu mwakugwiriskiya ntchitu buku ili
Chakwamba, ŵerengani dankha peji 2 ili ndi peji 3, pavuli paki woneriyani VIDIYO.
CHIGAŴA CHAKWAMBA
Asani munozgeke sambiru lelosi, muŵerengengi chigaŵa chakwamba. Mafumbu (A) ndipuso malemba (B) ngangakuwovyani kuziŵa fundu zikuluzikulu. Muwonengi kuti malemba nganyaki ngalembeka kuti “ŵerengani.”
CHIGAŴA CHAPAKATI
Mazu ngakwamba (C) pamutu wakuti Sambirani Vinandi ngalongo vo musambirengi. Timitu (D) tilongo fundu zikuluzikulu. Limoza ndi msambizi winu, muyesesengi kuŵerenga malemba, kumuka mafumbu ndipuso kuwonere mavidiyo.
Mabokosi ngo pe VIDIYO, ngakuwovyeningi kusaniya mavidiyo ngo nge ndi fundu zinyaki zakovya zo zikoliyana ndi sambiru lo. Mavidiyo nganyaki ngalongo vinthu chayivu vo vinguchitika. Penipo nganyaki ndi maseŵeru waka ngo ngalongo vinthu vo vikuchitika nadi.
Mukambiskanengi so vithuzi ndipuso mazu ngo ngakonkhoska vithuzi (E), kweniso muŵanaŵaniyengi mo mungamukiya fumbu la pachigaŵa chakuti Ŵanthu Anyaki Akamba Kuti (F)
CHIGAŴA CHAKUMALIYA
Sambiru lelosi limala ndi chigaŵa chakuti Kumbi Mwasambiranji? ndipuso chakuti Kuweriyamu (G). Asani mwamaliza kusambira sambiru lelosi, mulembengi deti lo mwamaliziya. Pachigaŵa chakuti Vo Mungachita (H) musaniyengepu vakuti yimwi muchiti. Pakamutu kakuti Fufuzani (I) musaniyengepu mabuku pamwenga mavidiyo nganyaki ngakuti muwonere.
Vo ve Mukati
|
|
|
|
Mo mungasaniriya mavesi mu Bayibolu
Bayibolu likupangika ndi mabuku ngamanangamana 66. Bayibolu likugaŵika muvigaŵa viŵi ivi: Malemba nga Chiheberi ndi Chiaramu (“Chipanganu Chakali”) kweniso Malemba nga Chigiriki (“Chipanganu Chasonu”).
Po talemba mavesi, tayamba dankha zina la buku (A), mbwenu chaputala (B), ndipu tamaliya vesi pamwenga mavesi (C).
Mwakuyeruzgiyapu, po talemba kuti Yohane 17:3, ting’anamuwa kuti buku la Yohane, chaputala 17, vesi 3.
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Sambiru la Bayibolu lo Akaboni aku Yehova Achitiska Ntchinthu Wuli?
Kuziya mu pulogilamu yawezi ya kusambira Bayibolu ndi Akaboni aku Yehova, mungagwiriskiya ntchitu Bayibolu lelosi. Mungadaniyaku banja linu losi pamwenga mabwezi nginu pa sambiru.
