CHIGAŴA 2
“Mungufipiska Malu Ngangu Ngakupaturika”—Kusopa Kwauneneska Kungutimbanyizgika
FUNDU YIKULU: Ŵanthu a ku Yerusalemu ndi ku Yuda anguleka kusopa kwauneneska ndipuso ŵenga ndi mijalidu yiheni
Yehova waŵayanjanga kweniso waŵaphweriyanga Ayisirayeli chifukwa ŵenga ‘chuma chaki chakuzirwa.’ (Eki. 19:5, mazu ngamumphata.) Kweni yiwu angwamba kusopa angoza panyumba yakusopiyamu yo yaziŵikanga ndi zina laki! Venivi vingumuŵaŵa ukongwa Yehova ndipuso vingunyozesa zina laki. Ntchifukwa wuli Ayisirayeli anguchita venivi? Kumbi tingasambiranji pa uchimi waku Ezekiyeli wakukwaskana ndi kubwangandulika kwa Yerusalemu? Nanga vo vachitikiyanga Ayisirayeli chifukwa chakuchita vinthu ndi mitundu yinyaki vititisambizanji?
PA CHIGAŴA ICHI
MUTU 5
“Ukawoni Vinthu Viheni, Vinthu Vakuseruska vo Achita”
Ezekiyeli wanguwona vinthu vinayi vo vingulongo kuti kusopa kwauneneska kungutimbanyizgika ukongwa mu mtundu wosi wa Ayisirayeli.
MUTU 6
“Sonu Umaliru Waza Paku Yiwi”
Vo Chiuta wangukambiya Ezekiyeli kuti wachiti, vingulongo mo Yehova wazamulongore ukali waki pa Yerusalemu.
MUTU 7
Mitundu ‘Yazamuziŵa Kuti Ini Ndini Yehova’
Mitundu yo yanyozanga zina laku Yehova kweniso kutombozga ndi kulandizga ŵanthu ŵaki, nayu yatingi yilangikengi chifukwa cha vakuchita vaki. Kumbi vo vachitikiyanga Ayisirayeli chifukwa chakuchita vinthu ndi mitundu yeniyi vititisambizanji?
