BOKOSI 21A
“Chigaŵa cho Mupatuwengi Kuti Muchipereki”
Tiyeni tiyende limoza ndi Ezekiyeli po wawonesesa chigaŵa cha malu cho Yehova wachipatuwa. Malu yanga nge ndi vigaŵa vinkhondi. Kumbi vigaŵa venivi ndi nivi? Nanga vigwira ntchitu wuli?
‘Chigaŵa cho Muperekengi’
Chigaŵa chenichi chenga cha gulu lo layendesanga vinthu.
“Chigaŵa Chosi Champhumphu cho Muperekengi”
Malu yanga nganguperekeka kuti ngaje nga asembi, Alevi kweniso tawuni. Ndipuso ŵanthu akutuliya mu mafuku 12 aserenga mu malu ngenanga kuti asopi Yehova kweniso kuti awovyi gulu lo layendesanga vinthu.
“Malu nga Mulongozgi”
“Malu yanga ngajengi ngaki mu Isirayeli.” “Ngajengi nga mulongozgi.”
“Chigaŵa Chakupaturika”
Chigaŵa cha kunena ntcha “Alevi.” Ngenanga ndi “malu ngakupaturika.” Chigaŵa chapakati ‘ntchigaŵa chakupaturika cha asembi.’ Ndi malu ngakuzengapu nyumba zawu kweniso ndi “malu ngakupaturika ngakuzengapu nyumba yakusopiyamu.”
“Malu ngo Ngajaku”
“Malu ngenanga ngajengi nga Ayisirayeli wosi” ndipuso “ngaŵengi nga ntchitu zakupambanapambana za tawuni, ngakuzengapu nyumba kweniso ngakuliskapu viŵetu.”
