Vakuwoniyapu va mu Bayibolu vo vingakuwovyani:

• Salimo 78:​40, 41; 106:​36-46—Chinanga kuti Ayisirayeli amunangiyanga Yehova kananandi waka kweni iyu waŵagowokiyanga

• Luka 15:​11-32—Kuti walongo kuti Yehova wagowoka, Yesu wangukamba ntharika ya da walisungu yo wangugowoke mwana waki yo wangunangisa vinthu vinandi kweni pavuli paki wangulapa

Vakuwoniyapu va mu Bayibolu vo vingakuwovyani:

• Ahe. 9:​22-28—Paulo wangukonkhoska kuti Yehova wangatigowoke maubudi ngidu kuziya mu sembi yaku Yesu pe

• Chivu. 7:​9, 10, 14, 15—Wakutumika Yohane wanguwona “mzinda ukulu” mu chiwona, wo unguma panthazi paku Chiuta chifukwa chakutoweseka ndi ndopa zaku Yesu Khristu

 Vakuwoniyapu va mu Bayibolu vo vingakuwovyani:

• Yobu 42:​7-10—Yehova wechendamuchizgi kweniso kumutumbika Yobu, wangumupempha kuti wangapemphere dankha mabwezi ngaki ngatatu ngo ngangukamba vinthu viheni vakukwaskana ndi iyu

• Mate. 18:​21-35—Yesu wangukonkhoska ntharika yo yilongo kuti nasi tikhumbika kugowoke anyidu asani tikhumba kuti Yehova watigowoke

Vakuwoniyapu va mu Bayibolu vo vingakuwovyani:

• Salimo 32:​1-5; 51:​1, 2, 16, 17—Fumu Davidi yingusuzgika ukongwa mumtima chifukwa cha maubudi ngo yinguchita kweni pavuli paki yingulapa ndi mtima wosi

• Yako. 5:​14-16—Yakobe wangukonkhoska kuti asani tachita ubudi ukulu tikhumbika kukumana ndi ŵara

Vakuwoniyapu va mu Bayibolu vo vingakuwovyani:

• 1 Mafu. 21:​27-29; 2 Mbiri 18:​18-22, 33, 34; 19:​1, 2—Fumu Ahabu yati yayeruzgika yingujiyuyuwa ndipu Yehova wanguyichitiya lisungu kweni yingulongo kuti yingulapa ndi mtima wosi cha. Mwaviyo, Yehova wenga weche kuyiwona kuti yenga fumu yiheni ndipu pakumaliya paki yingubayika

• 2 Mbiri 33:​1-16—Fumu Manasi yinguchita vinthu vinandi viheni kweni Yehova wanguyigowoke chifukwa yingulapa. Iyu yinguyesesa kuwovya Ayisirayeli kuti aleki kusopa angoza kweniso kuŵachiska kuti asopengi Yehova

Vakuwoniyapu va mu Bayibolu vo vingakuwovyani:

• 2 Samu. 12:13; 24:1; 1 Mafu. 9:​4, 5—Davidi wanguchita maubudi ngakulungakulu kweni chifukwa chakuti wangulapa ndi mtima wosi, Yehova wangumugowoke ndipu wangukamba kuti wenga munthu wakugomezgeka

Vakuwoniyapu va mu Bayibolu vo vingakuwovyani:

• Mate. 26:​36, 40, 41—Akusambira aku Yesu angugona pa nyengu yo akhumbikanga kuti amuwovyi kweni Yesu wanguziŵa kuti angutondeka kumuwovya chifukwa cha kuvuka

• Mate. 26:​69-75; Luka 24:​33, 34; Machi. 2:​37-41—Peturo wangukana katatu kuti watimuziŵa cha Yesu kweni iyu wangumugowoke Peturo wati walapa. Pavuli paki wati wayuskika, wanguwoneke kwaku iyu ndipu wangumupaska udindu wapade mumpingu wachikhristu

Vakuwoniyapu va mu Bayibolu vo vingakuwovyani:

• Mate. 23:​29-33—Yesu wangutcheŵeska alembi ndi Afarisi kuti azamulonde cheruzgu cha Gehena pamwenga kuti kubayikiya limu

• Yoha. 17:12; Mariko 14:21—Yesu wangukamba kuti Yudasi Isikaliyoti ndi “mwana wa pharanyiku” ndipu wangukamba so kuti vatingi viŵengi umampha asani munthu mwenuyu wanguleka kuwaku