Kusope Limoza ndi Visopa Vinyaki

JULANI

Kumbi visopa vosi visopa Chiuta yumoza?

Doto. 32:16, 17; 1 Mafu. 11:33; 1 Akori. 8:5, 6; 10:20

Kumbi Bayibolu likamba kuti Yehova wakondwa ndi visopa vosi chinanga kuti visambiza vinthu vakupambana?

Mate. 7:13, 14; Yoha. 17:3; Aefe. 4:4-6

Vakuwoniyapu va mu Bayibolu vo vingakuwovyani:
- Yoswa 24:15—Yoswa wangukamba mwakuvwika umampha kuti tingasankha kuteŵete Yehova pamwenga achiuta anyaki
- 1 Mafu. 18:19-40—Yehova wangukambiya mchimi Eliya kuti ŵanthu wo asopa Chiuta akhumbika so cha kusopa achiuta anyaki nge chiuta Bala

Kumbi Yehova watuvwa wuli asani ŵanthu asopa achiuta anyaki muvyaru vawu?

Eki. 12:12; Nume. 25:2-5; Doto. 12:29-31; Zefa. 2:11

Kumbi Yehova watuvwa wuli asani ŵanthu akamba kuti asopa iyu kweni achita vinthu vinyaki viheni pakumusopa?

Yesa. 1:13-15; 1 Akori. 10:20-22; 2 Akori. 6:14, 15, 17

Vakuwoniyapu va mu Bayibolu vo vingakuwovyani:
- Eki. 32:1-10—Wati wachichizgika ndi Ayisirayeli, Aroni wangupanga chikozgu cha mwana wa ng’ombi cho anguchigwiriskiya ntchitu pakuchitiya “phwandu Yehova” ndipu venivi vingumukwiyisa ukongwa Yehova
- 1 Mafu. 12:26-30—Fumu Yerobowamu yakhumbanga cha kuti ŵanthu ŵaki akengi kunyumba yakusopiyamu ku Yerusalemu. Mwaviyo, yingupanga angoza wo yakambanga kuti amiyanga Yehova ndipu venivi vinguchitiska kuti ŵanthu abudi pamasu paku Yehova

Kumbi Yehova wanguŵakambiyanji Ayisirayeli pa nkhani yakusopa achiuta anyaki?

Eki. 23:31-33; Doto. 7:1-4

Kumbi Yehova wanguchita wuli wati wawona kuti ŵanthu ŵaki ayamba kusopa achiuta anyaki

Ŵeru. 10:6, 7; Salimo 106:35-40; Yere. 44:2, 3

Vakuwoniyapu va mu Bayibolu vo vingakuwovyani:
- 1 Mafu. 11:1-9—Anthukazi achilendu wo Fumu Solomoni yinguto, anguyichitiska kuti yiyambi kusopa achiuta anyaki ndipu venivi vinguchitiska so ŵanthu anyaki kuti nawu achitengi so viyo mwakuti Yehova wangukwiya ukongwa
- Salimo 78:40, 41, 55-62—Asafu wangukonkhoska mo Yehova wanguvwiya Ayisirayeli ŵati amugarukiya kweniso ŵati ayamba kusopa angoza ndipu venivi vinguchitiska kuti Yehova waŵakani chinanga kuti ŵenga ŵanthu Ŵaki

Kumbi Yesu wanguchitanji ndi visambizu vachisopa vo vasuskananga ndi Mazu ngaku Chiuta?

Vakuwoniyapu va mu Bayibolu vo vingakuwovyani:
- Mate. 16:6, 12—Yesu wanguyeruzgiya visambizu va Afarisi ndi Asaduki ndi chakutupisa, chifukwa visambizu vaboza viwanda liŵi ukongwa ndipu vitimbanyizga uneneska wo tisambira mu Mazu ngaku Chiuta
- Mate. 23:5-7, 23-33—Yesu wangususka mwanthazi jalidu la chinyengu kweniso visambizu vaboza va alembi ndi Afarisi
- Mariko 7:5-9—Yesu wangulongo pakweru kuti alembi ndi Afarisi alondonga midawuku ya ŵanthu mumalu mwakwende fundu zaku Yehova

Kumbi Yesu wanguŵakambiyapu akusambira ŵaki kuti agaŵikanengi ndi kupanga visopa vakupambapambana?

Vakuwoniyapu va mu Bayibolu vo vingakuwovyani:
- Yoha. 15:4, 5—Yesu wangugwiriskiya ntchitu chimiti cha mphereska kuti walongo kuti Akhristu akhumbika kukoliyana ndi iyu kweniso Akhristu anyawu
- Yoha. 17:1, 6, 11, 20-23—Usiku wakumaliya po wenga ndi akutumika ŵaki kweniso wechendabayiki, Yesu wangupemphera kuti akusambira ŵaki alutirizgi kukoliyana

Kumbi mipingu yachikhristu ya mu nyengu ya akutumika yagomezganga vinthu vakuyanana kweniso yasopanga Yehova munthowa yakuyanana?

Machi. 16:4, 5; Aro. 12:4, 5

Vakuwoniyapu va mu Bayibolu vo vingakuwovyani:
- Machi. 11:20-23, 25, 26—Mipingu ya ku Antiyoke ndi ku Yerusalemu yakoliyananga ukongwa ndipuso yachitiyanga vinthu limoza
- Aro. 15:25, 26; 2 Akori. 8:1-7—Mipingu ya mu nyengu ya akutumika yingulongo kuti yakoliyananga ukongwa chifukwa yawovyananga mu nyengu ya masuzgu

Kumbi Chiuta wazomereza visopa vosi vo vikamba kuti vigomezga Khristu?

Mate. 7:21-23; 2 Akori. 11:13-15

Asani ŵanthu akana kuvwiya vo Khristu kweniso akutumika asambizanga, kumbi kusopa kwawu kungaja kwakuzomerezeka?

Machi. 20:29, 30; 1 Timo. 4:1-3

Vakuwoniyapu va mu Bayibolu vo vingakuwovyani:
- Mate. 13:24-30, 36-43—Yesu wanguyeruzgiya Akhristu aboza ndi mo lichitiya dondu mumunda. Iyu wangukamba kuti Akhristu ŵenaŵa azamuwanda ukongwa ndipu asani pajumpha nyengu azamutimbanyizga mpingu
- 1 Yoha. 2:18, 19—Wakutumika Yohane yo pa nyengu iyi wenga wakukota wangukamba kuti ŵanthu wo akananga Khristu ndipu ayamba kali kuwoneke vyaka 100 kutuliya po Yesu wanguwiyaku

Kumbi ndi vinthu wuli vo vichitika asani ŵanthu wo asambiza vinthu vaboza kweniso avwiya cha Khristu azomerezeka kulutirizga kuja mumpingu?

2 Akori. 11:3; 2 Petu. 2:1-3; Yuda 3, 4

Kumbi Akhristu akhumbika kuchitanji kuti alutirizgi kuja akukoliyana?

Aro. 15:5, 6; 1 Akori. 1:10

Ntchifukwa wuli Akhristu akhumbika kukana kusopa kwaboza?

2 Akori. 6:14-17; Chivu. 18:4

Ntchifukwa wuli tikhumbika kuŵawovya ŵanthu kuti aziŵi kuti vo visopa visambiza vaboza?

Yere. 14:14; 23:13, 14, 16; Mate. 15:12-14; 23:13-26

Ntchifukwa wuli tikhumbika cha kuzizwa asani ŵanthu a mu visopa vaboza atitiyukiya ndipuso kutitombozga?

Yoha. 8:39, 40; 11:47, 48, 53; 16:2; Machi. 17:1-5

Mungayanja Kuŵerenga so Nkhani Izi

MAFUMBU NGO ŴANTHU AFUMBA KAŴIKAŴI

Kumbi Akaboni aku Yehova Asope Limoza ndi Matchalitchi Nganyaki?

Kumbi ndi fundu nizi za mu Bayibolu zo zitiŵawovya kumuka fumbu lenili?

CHIGONGWI CHA MLINDA

Kumbi Chiuta Wazomerezga Kuti Visopa Vichitiyengi Limoza Vinthu?

Nchinthu wuli cho chingawovya kuti ŵanthu akoliyanengi? Mungakondwa kuziŵa vo Bayibolo limuka.

MAFUMBU NGO BAYIBOLU LIMUKA

Kumbi Visopa Vosi Vakuyanana? Kumbi Vosi Vilongozge Ŵanthu Kwaku Chiuta?

Fundu ziŵi zo ze mu Bayibolu zingawovya kuziŵa kwamuka kwa mafumbu ngenanga.

SAMBIRANI NKHANI ZA M’BAYIBOLU

Ufumu Ugaŵika

Ayisraele anandi anguleka kuteŵete Yehova.

VAKUKWASKANA NDI ISI

Pemphani Kuti Musambirengi Bayibolu

Kambiskanani fumbu la mu Bayibolu pamwenga ziŵani vinandi vakukwaskana ndi Akaboni aku Yehova.

MALEMBA NGO NGANGATIWOVYA PA UMOYU WIDU