Chigaŵa ichi chikonkhosa nkhani zo ze m’Malemba Ngachigiriki Ngachikhristu. Yesu wanguwiya mu banja likavu lo lajanga mutawuni yimana. Iyu wagwiranga ntchitu ya ukalipentala ndi awisi. Yesu watingi wazitaskengi ŵanthu. Yehova wangumusankha kuja Fumu ya Ufumu waki kuchanya. Asani ndimwi mpapi wovyani mwana winu kuziŵa kuti Yehova wangusankha banja lo lamuwopanga kweniso la nkharu yamampha kuti ndilu lizileri Yesu. Ŵanaŵaniyani vo Yehova wanguchita kuti Herode waleki kubaya Yesu ndipuso mo walongore kuti palivi chechosi cho chingamutondekesa kuti wafiski khumbu laki. Musambirengi mo Yehova wangupasiya Yohane ntchitu yakupharazga kuza kwaku Yesu. Konkhosani mo Yesu wangulongore kuti kutuliya pa unamana, wayanjanga zeru zaku Yehova.