Mazu Ngakwamba nga Chigaŵa 12
Yesu wasambizanga ŵanthu za Ufumu wakuchanya. Wanguŵasambiza so kuti apempherengi kuti zina laku Chiuta lipaturiki, Ufumu waki uzi kweniso khumbu laki lichitiki pa charu chapasi. Asani ndimwi mupapi, konkhosiyani mwana winu cho pempheru ili ling’anamuwa kwaku isi. Yesu wanguzomereza cha kuti Satana wamutondekesi kuja wakugomezgeka. Yesu wangusankha akutumika ŵaki ndipu yiwu ŵenga akwamba pa ŵanthu wo wamulamuliya nawu limoza. Mu chigaŵa ichi, muwonengi phamphu lo Yesu wenga nalu pakusopa kwauneneska. Chifukwa chakuti Yesu wakhumbanga kovya ŵanthu, wachizganga akutama, waŵapasanga chakurya wo ŵenga ndi nja ndipuso wayuskanga akufwa. Iyu wachitanga vosi ivi kuti walongo vo Ufumu waku Chiuta wazamuchitiya ŵanthu.
PA CHIGAŴA ICHI
SAMBIRU 74
Yesu Waja Mesiya
Yohane wang’anamuwanganji pakukamba kuti Yesu ndi Mwanawambereri waku Chiuta?
SAMBIRU 75
Dyaboli Watesa Yesu
Satana wangumuyesa katatu Yesu. Kumbi wangumuyesa kuti wachitenji? Kumbi Yesu wangumumukanji?
SAMBIRU 76
Yesu Watowesa Nyumba Yakusopiyamu
Ntchifukwa wuli Yesu wangudikisa viŵetu munyumba yakusopiyamu ndi kugudubuwa mathebulu nga akusintha ndalama?
SAMBIRU 77
Yesu Walongoro ndi Munthukazi pa Chisimi
Munthukazi wa ku Samariya wanguzizwa Yesu wati walongoro nayu pa chisimi chaku Yakobe. Chifukwa wuli? Kumbi Yesu wangumukambiya chinthu wuli cho wenga wechendakambiyepu munthu munyaki?
SAMBIRU 78
Yesu Wapharazga Uthenga wa Ufumu
Wangudana akusambira ŵaki anyaki kuti “aje alovi a ŵanthu.” Pavuli paki, wangusambiza so akusambira ŵaki 70 kupharazga uthenga wamampha.
SAMBIRU 79
Yesu Wachita Vakuziziswa Vinandi
Ŵanthu wo atamanga alondonga Yesu kwekosi ko walutanga kuti waŵachizgi. Iyu wanguyuska so msungwana yo wangufwa.
SAMBIRU 81
Upharazgi wa Paphiri
Ŵanthu wo anguwungana paphiri, Yesu wanguŵasambiza fundu zakukhumbika ukongwa.
SAMBIRU 82
Yesu Wangusambiza Akusambira Waki Kupemphera
Kumbi ndi vinthu nivi vo Yesu wangukambiya akusambira ŵaki kuti ‘alutirizi kupempha’?
SAMBIRU 83
Yesu Waryisa Ŵanthu Anandi
Kumbi chakuziziswa chenichi chititisambizanji zaku Yesu kweniso Yehova?
SAMBIRU 84
Yesu Wangwenda Pamaji
Kumbi uŵanaŵana kuti akutumika anguvwa wuli ŵati awona chakuziziswa chenichi?
SAMBIRU 85
Yesu Wachizganga Ŵanthu pa Sabata
Ntchifukwa wuli ŵanthu akondwanga cha ndi vo Yesu wachitanga?
SAMBIRU 86
Yesu Wanguyuska Lazaro
Yesu wati wawona kuti Mariya waliya, nayu wangwamba kuliya. Pavuli paki, kuliya kwawu kungusambuka likondwa.