CHIGAŴA 3
Kumbi Umoyu Wenga Wuli mu Paradayisu?
Yehova wangupaska Adamu ndi Heva vinthu vinandi vamampha. Genezesi 1:28
Munthukazi wakwamba yo Yehova wangulenga wenga Heva, ndipu wangumupereka kwaku Adamu kuti waje muwolu waki.—Genezesi 2:21, 22.
Yehova wanguŵalenga ndi liŵavu lakufikapu ndipuso maŵanaŵanu ngambula ubudi wewosi.
Adamu ndi Heva ajanga mumuzi wawu wo wadanikanga kuti munda wa Edeni. Malu ngenanga ngenga ngakutowa ukongwa, ngenga ndi msinji, vimiti va vipasu ndipuso nyama.
Yehova wakambanga nawu, ndipuso waŵasambizanga. Asani angumuvwiya, atingi ajengi ndi umoyu wamuyaya mu Paradayisu pacharu chapasi.
Chiuta wanguŵakambiya kuti angaryangacha vipasu va muchimiti chimoza. Genezesi 2:16, 17
Yehova wangulongo Adamu ndi Heva chimiti chimoza cha vipasu cho chenga mumunda wa Edene ndipu wanguŵakambiya kuti asani aryengi vipasu vaki afwengi.
Mungelu yumoza wangugarukiya Chiuta. Mungelu muheni mwenuyu ndi Satana Dyaboli.
Satana wakhumbanga cha kuti Adamu ndi Heva avwiyengi Yehova. Mwaviyo, iyu wangugwiriskiya ntchitu njoka kukambiya Heva kuti wafwengi cha asani wangarya chipasu kutuliya muchimiti cho, kweni wayananengi ndi Chiuta. Kweni ili lenga boza.—Genezesi 3:1-5.
Mungayanja Kuŵerenga so Nkhani Izi
ESSENTIAL BIBLE TEACHINGS
Ntchifukwa Wuli Chiuta Wakulenga Charu Chapasi?
Charu chapasi che ndi vinthu vinandi vakutowa ukongwa. Chiuta wakuchiŵika pa mtunda wakwenere kutuliya po pe lumwi, ndipu wakuchipanga kuti chizunguliyengi mwakuyegama kweniso kuti chizunguliyengi pa sipidi yamampha. Ntchifukwa wuli Chiuta wanguŵikiyapu mtima kulenga charu chakutowa viyo?
KUMBI BAYIBOLU LE NDI UTHENGA WULI?
Mulengi Wapaska Ŵanthu Paradayisu
Kumbi Bayibolu likamba kuti ŵanthu akulengeka wuli? Kumbi Chiuta wangulipaska marangu wuli banja lakwamba?
