Kumbi Mukumbuka?
Kumbi mukuŵerenga magazini ngosi nga Chigongwi cha Alinda ngo ngatuwa pambula kuswera yapa? Asani ndi viyo, yesani kumuka mafumbu yanga:
Kumbi ndi vinthu wuli vo apapi angachita kuti asambizi ŵana ŵawu achinyamata kuteŵete Yehova?
Apapi akhumbika kwanja ŵana ŵawu achinyamata. Atenere so kuja chakuwoniyapu chamampha pa nkhani ya kujiyuyuwa. Akhumbika kuti awengemu ndipuso aŵavwisengi ŵana ŵawu.—w15 11/15, peji 9-11.
Kumbi ndi vinthu wuli vo titenere kuŵanaŵaniya techendalongoro?
Kuti tigwirisiyi ntchitu umampha lilimu lidu, titenere kuŵanaŵaniya vinthu vitatu ivi (1) nyengu yo titenere kulongolore (Wak. 3:7), (2) vo titenere kulongoro (Nthanthi 12:18), ndi (3) mo titenere kulongolore (Nthanthi 25:15).—w15 12/15, peji 19-22.
Kumbi ndi mitundu niyi yakuleka kugomezeka yo Akhristu achita cha?
Akhristu aunenesa akamba boza cha ndipuso achita cha misechi. Akamba cha vinthu vo vingananga mbiri ya anyawu. Kweniso atuba cha pamwenga kuchita chinyengu.—wp16.1, peji 5.
Kumbi “ŵara ŵa asembi” wo azumbulika m’Bayibolu mbayani?
Mazu ngakuti “ŵara ŵa asembi” ngang’anamuwa asembi wo alongozganga asembi anyawu, kusazapu wo angutuzgikapu pa udindu wa wasembi mura.—wp16.1, peji 10.
Kumbi mutenere kuchita nayu wuli munthu yo waturya chiŵandi ndi kumwa vinyu pa Chikumbusu?
Akhristu akhumbika cha kukweza ŵanthu wo aturya chiŵandi ndi kumwa vinyu pa Chikumbusu. Mkhristu yo ngwakusankhika nadi wangakhumba cha kukwezeka pamwenga kukambiya anyaki kuti ngwakusankhika. (Mat. 23:8-12)—w16.01, peji 23-24.
Kumbi tingasambiranji kwaku Abrahamu pa nkhani ya mo wangujaliya pa ubwezi ndi Chiuta?
Abrahamu wamuziŵanga Chiuta. Panyaki wangumuziŵa kutuliya kwaku Shemu. Ndipu vo Chiuta wamuchitiyanga pamoza ndi banja laki vinguwovya kuti chivwanu chaki chikho. Nasi tingachita viyo.—w16.02, peji 9-10.
Kumbi mbayani akuŵika machaputala ndi mavesi M’Bayibolu?
Stephen Langton ndiyu wanguŵika machaputala m’Bayibolu. Iyu wanguchita ivi mu 1200 C.E. Ayuda anyaki angwamba kuŵika mavesi m’Malemba Ngachihebere. Ndipu mu 1500 C.E., Robert Estienne wanguchita so viyo ndi Malemba Ngachigiriki.—wp16.2, peji 14-15.
Pa nyengu yo Satana wayesanga Yesu, kumbi wangumutole nadi kunyumba yakusopiyamu?
Tiziŵa umampha cha. Lemba la Mateyu 4:5 ndi la Luka 4:9 lingang’anamuwa kuti wanguma nadi panyumba yakusopiyamu pamwenga chenga waka chiwona.—w16.03, peji 31-32.
Kumbi uteŵeti widu we nge dungwi mu nthowa wuli?
Dungwi lipangika kamanakamana, lisisipuwa ndipu ndakukhumbika ku vamoyu. Dungwi ndi thumbiku lakutuwa kwaku Chiuta. (Mar. 33:13) Mwakuyanana waka, vo ŵanthu wosi aku Chiuta achita mu uteŵeti ndi thumbiku lakutuwa kwaku Yehova.—w16.04, peji 4.