Yehova “Watikuphweriyani”
NTCHIFUKWA wuli musimikiza kuti Yehova watikuphweriyani? Chifukwa chimoza ntchakuti ndivu Bayibolu likamba. Lemba la 1 Petro 5:7 likamba kuti: ‘Mumuponye vosi vo mufipa navu mtima, chifukwa watikuphweriyani.’ Kumbi mwe ndi ukaboni wuli wakulongo kuti Yehova Chiuta watikuŵanaŵaniyani?
CHIUTA WAPASA ŴANTHU VINTHU VAKULIŴAVU
Yehova ntchakuwoniyapu chamampha, ngwalisungu ndipuso ngwakupasa
Chiuta we ndi mijalidu yo mungayanja kuti mubwezi winu waŵi nayu. Kanandi ŵanthu wo achitiyana vinthu mwalisungu ndi kupasana vinthu atanjanga ukongwa. Yehova watiŵalenge lisungu ŵanthu ndipuso watiŵapasa vinthu zuŵa lelosi. Mwakuyeruziyapu, iyu ‘waŵalisiya lumwi pa ŵanthu aheni ndi amampha, ndipuso wawisiya vuwa ŵanthu arunji ndi ambula urunji.’ (Mat. 5:45) Kumbi lumwi ndi vuwa vitovya wuli? Kuziya mu vinthu ivi, Chiuta ‘wagutisa ŵanthu ndi vakurya ndipuso wazaza mitima yawu ndi likondwa.’ (Mac. 14:17) Kukamba unenesa, Yehova wawonesesa kuti charu chipanga vakurya vinandi. Weyosi wakondwa asani we ndi chakurya.
Nanga ntchifukwa wuli ŵanthu anandi asoŵa vakurya? Ntchifukwa chakuti ŵanthu wo awusa alimbana ndi kukopa ŵanthu kuti aziŵavote kweniso kuti akhupuki, m’malu mwakovya ŵanthu kuti aje ndi umoyu wamampha. Pambula kuswera, Yehova watuzengepu ŵanthu a mbunu ŵenaŵa. Ndipu waŵikengepu Ufumu wo wazamuwusika ndi Mwana waki. Pa nyengu iyi, palivi munthu yo wazamusoŵa chakurya. Pasonu panu, Chiuta Sumu 37:25) Kumbi ivi vilongo cha kuti watitiphwere?
watiŵapasa vinthu vakukhumbika ateŵeti ŵaki. (YEHOVA NGWAKUNOZEKA KUKAMBISANA NASI
Yehova ntchakuwoniyapu chamampha, ngwakunozeka kukambisana nasi
Ŵanthu wo atanjana akambisana. Akambisana kwa nyengu yitali vinthu vo wosi akondwa navu. Kweniso avwisiya mwakuphwere asani munyawu watiŵakambiya masuzu ngaki. Kumbi Yehova nayu wachita viyo? Hinya. Iyu wavwisiya marombu ngidu. Ndichu chifukwa chaki Bayibolu lititichiska kuti ‘tifwiyengepu kuromba’ ndipuso ‘tirombengi kwambula kulekeza.’—Ŵar. 12:12; 1 Ŵat. 5:17.
Kumbi Yehova ngwakukhumbisisa kuvwisiya marombu ngidu kwa nyengu yitali wuli? Bayibolu limuka fumbu ili. Yesu wechendasankhi akutumika ŵaki, “wangupemphera kwaku Chiuta usiku wosi.” (Luka 6:12) Mu pempheru laki, Yesu wangukamba mazina nga akutumika ŵaki, mijalidu yawu, vo atondekanga ndipuso wangupempha Awisi kuti amuwovyi pakuŵasankha. Kwati kwacha, Yesu wanguziŵa kuti wasankha ŵanthu akwenere kuti aje akutumika. Nge “Wakuvwa pempheru,” Yehova ngwakunozeka kuvwisiya mapempheru nga ŵanthu a mtima wamampha. (Sumu 65:2) Chinanga kuti munthu wangaromba kwa nyengu yitali, Yehova wavwisiya.
CHIUTA NGWAKUKHUMBISISA KUTIGOWOKE
Yehova ntchakuwoniyapu chamampha, ngwakukhumbisisa kutigowoke
Ŵanthu wo atanjana ukongwa, nyengu zinyaki nawu asuzika kugowokiyana. Anyaki amalisa ubwezi wo waja kwa nyengu yitali chifukwa chakutondeka kugowokiyana. Ndimu Yehova waliri cha. Bayibolu lichiska ŵanthu wosi a mtima wamampha kuti apemphengi Yehova kuti waŵagowoke, chifukwa ‘iyu wagowoke ndi mtima wosi.’ (Yes. 55:6, 7) Ntchifukwa wuli Chiuta wagowoke ndi mtima wosi?
Ntchifukwa chakuti Chiuta we ndi chanju chambula kumala. Iyu wanguchiyanja ukongwa charu mwakuti wangupereka Mwana waki Yesu kuti waziwombo ŵanthu ku ubudi Yoh. 3:16) Sembi yakuwombo yaku Khristu yititiwovya so munthowa yinyaki. Kuporote mu sembi iyi, Chiuta wagowoke wo watanja. Wakutumika Yohane wanguti: “Asani tazomereza maubudi ngidu, iyu watigowokiyengi ndi kutitowesa ku ntchitu zosi ziheni.” (1 Yoh. 1:9) Chifukwa chakuti Yehova wagowoka, ŵanthu angalutiriza kuja nayu pa ubwezi. Kuziŵa fundu iyi kutitichiska ukongwa.
ndi masuzu ngo akumana nangu. (WATIKUWOVYANI ASANI MUKHUMBA CHOVYU
Yehova ntchakuwoniyapu chamampha, watitiwovya asani tikhumba chovyu
Ŵanthu wo atanjana atovyana asani munyawu wakhumba chovyu. Kumbi Yehova nayu wachita viyo? Mazu ngaki ngatiti: “Chinanga [mteŵeti waku Chiuta] wangawa, kuti wawiyengi limu cha, chifukwa Yehova watimuko janja.” (Sumu 37:24) Yehova watovya ateŵeti ŵaki munthowa zakupambanapambana. Tiyeni tiwoni chakuyeruziyapu cha ku chilwa cha Saint Croix ku Caribbean.
Msungwana munyaki wasusikanga ndi anyaki kusukulu chifukwa chakuti wakananga kugwadiya mbendera. Wati waromba kwaku Yehova, wanguwona kuti wakhumbika kuchitapu kanthu. Iyu wangukonkhose kilasi nkhani ya kugwadiya mbendera. Wangugwirisiya ntchitu Buku Langu la Nkhani za m’Bayibolo kuti wakonkhosi chifukwa cho wakaniyanga kugwadiya mbendera. Wangukonkhosa vo Shadreke, Mishaele ndi Abedenego anguchita. Iyu wangukamba kuti: “Yehova wanguvikiliya Aheberi atatu yaŵa chifukwa chakuti angukana kusopa chikozu.” Pavuli paki, wanguŵapasa buku ili ŵanthu wo ŵengapu. Ŵana anyaki 11 nawu angupempha kuti waziŵapasi buku lenili. Msungwana uyu wangukondwa ukongwa kuziŵa kuti Yehova wamupasa nthazi ndi zeru kuti wapharazgiyi anyaki nkhani yakusuza yeniyi.
Asani nyengu zinyaki mukayikiya kuti Yehova watikuphweriyani, ŵerengani ndi kuŵanaŵaniyapu malemba yanga, Sumu 34:17-19; 55:22 ndi 145:18, 19. Fumbani Akaboni wo ateŵete Yehova kwa nyengu yitali kuti muziŵi mo waŵawovye. Asani mukhumba kuti Chiuta wakuwovyeni, mukambiyeni. Musimikizengi kuti Yehova “watikuphweriyani.”