“Ufumu Winu Uzi”—Ŵanthu Mamiliyoni Nganandi Akamba Mazu Ngenanga Pakupemphera
Kumbi mukupempherapu kuti Ufumu waku Chiuta uzi? Ŵanthu mamiliyoni nganandi akwamba kali ukongwa kupemphera kuti “Ufumu winu uzi.” Ntchifukwa wuli apemphera viyo? Ntchifukwa chakuti Yesu wangukambiya akusambira ŵaki kuti apempheriyengi Ufumu waku Chiuta.
Pakwamba, akusambira aku Yesu avwisisanga cha vosi vo wakambanga vakukwaskana ndi Ufumu. Ndichu chifukwa chaki nyengu yinyaki angumufumba kuti: “Ambuya, kumbi muweziyengi ufumu kwa Ayisirayeli sonu?” Yiwu atenere kuti anguzizwa ukongwa kuwona kuti Yesu watiŵakambiya cha zuŵa chayilu lo Ufumu waku Chiuta uziyengi. (Machitidu 1:6, 7) Kumbi venivi ving’anamuwa kuti tingatondeka kuziŵa vo Ufumu waku Chiuta ung’anamuwa kweniso zuŵa lo Ufumu wenuwu uziyengi? Awa!
Magazini iyi ya Chigongwi cha Alinda yikuwovyeningi kuti musaniyi kwamuka kwa mafumbu yanga:
Ntchifukwa wuli tikhumbika Ufumu waku Chiuta?
Kumbi Fumu ya Ufumu waku Chiuta Ndiyani?
Kumbi Ufumu waku Chiuta uyambengi zukwanji kulamuliya Charu chapasi?
Kumbi ndi vinthu wuli vo Ufumu waku Chiuta ufiskengi?
Ntchifukwa wuli tikhumbika kusankha Ufumu waku Chiuta kweche sonu?
Kumbi Ufumu waku Chiuta ntchinthu wuli?
Mungayanja Kuŵerenga so Nkhani Izi
CHIGONGWI CHA MLINDA
Nchifukwa Wuli Tikhumbika Kuromba Kuti Ufumu Waku Chiuta Uzi?
Kumbi Ufumu wenuwu wazamuchita vinthu nivi vo ŵanthu atondeka kuvifiska?
ESSENTIAL BIBLE TEACHINGS
Kumbi Ufumu Waku Chiuta Ntchinthu Wuli?
Pa nyengu ya uteŵeti waki Yesu wasambizanga ukongwa za Ufumu waku Chiuta kuluska nkhani yinyaki yeyosi. Kwa vyaka vinandi akusambira ŵaki nawu apempheranga ukongwa kuti Ufumu waku Chiuta uzi.
