Asani tiŵerenga Bayibolu tingagwiriskiya ntchitu vidya vakufufuziya kuti tivwisi umampha vo tiŵerenga. Kweni tikhumbika cha kusambira ŵaka ndi chilatu chakuti tiziŵi vinandi vakukwaskana ndi Bayibolu. Mumalu mwaki, tikhumba kuziŵa mijalidu yinandi yaku Yehova, vo vingawovya kuti timuyanjengi ukongwa. Kuti tichiti venivi, tijifumbengi kuti, ‘Kumbi nkhani ya mu Bayibolu iyi yo ndiŵerenga, yitindisambizanji vakukwaskana ndi Yehova?’

Mwakuyeruzgiyapu, mungasaniya vinandi vakukwaskana ndi mo Yehova walongore chanju, zeru, urunji kweniso nthazi. Kweni Yehova we ndi mijalidu yeniyi pe cha. Iyu we so ndi mijalidu yinandi yamampha. Kumbi ndi nunkhu ko mungasambira mijalidu yaki?

Wonani mijalidu yakujumpha 50 yo ye mu Watch Tower Publications Index pa mutu wakuti “Jehovah” ndipu pavuli paki lutani pa kamutu kakuti “Qualities by Name.” Asani mwafika penapa, fufuzani mijalidu yo yikoliyana ndi nkhani ya mu Bayibolu yo muŵerenga. (Asani mu chineneru chinu mwe ndi Kabuku Kakufufuziya Nkhani ka Akaboni aku Yehova pe, wonani pa mutu wakuti “Yehova Chiuta” ndipu pavuli paki lutani pa kamutu kakuti “Mijalidu Yaku Yehova.”)