Tisopa Yehova nge gulu pa maunganu ngampingu, ngadera, ngachigaŵa kweniso titimusopa pakutija ndipuso nge banja. Wonani masachizgu nganyaki ngo ngangakuwovyani asani musambira pakumwija kweniso pa kusopa kwa pabanja:

• Kunozgeke maunganu nga mpingu. Pa nyengu yeniyi mungamba sumu kweniso kuwovya weyosi mu banja linu kuti wanozgeke vo wamumuka.

• Kuŵerenga nkhani yinyaki ya mu Bayibolu. Asani mwaŵerenga, jambulani chithuzi cha nkhani yo mwaŵerenga pamwenga lembani fundu yinyaki yo mwasambirapu.

• Kuŵerenga pempheru linyaki lo likulembeka mu Bayibolu ndipuso kukambiskana mo pempheru lenili lingakuwovyiyani kuti namwi muperekengi mapempheru ngamampha ukongwa.

• Kuwonere vidiyo ya pa jw.org ndipu pavuli paki kukambiskana ndi ŵanthu a mu banja linu vakukwaskana ndi vidiyo yo mwawonere pamwenga kulemba vo mwasambirapu.

• Kunozgeke uteŵeti. Munthu yumoza pa banja pinu wangaja mweneku wa nyumba ndipu mungayesere vo mwamukamba.

• Kuwonesesa vo Yehova wakulenga kweniso kuŵanaŵaniyapu pamwenga kukambiskana vo musambirapu vakukwaskana ndi Yehova. a