Ŵerengani Genezesi 37:​23-28; 39:​17-23 kuti musambiri vo vinguchitikiya Yosefi pa nkhani ya kukunthiyapu vinthu vambula urunji.

Vwisani nkhani yosi. Ntchifukwa wuli Yosefi angumuchitiya vinthu vambula urunji? (Gene. 37:​3-11; 39:​1, 6-10) Kumbi Yosefi wangukunthiyapu vinthu vambula urunji kwa nyengu yitali wuli? (Gene. 37:2; 41:46) Pa nyengu yosi yeniyi, kumbi Yehova wangumuchitiyanji Yosefi, nanga ndi vinthu wuli vo wangumuchitiya cha?—Gene. 39:​2, 21; w23.01 17 ¶13.

Fufuzani mwakukwana. Bayibolu likamba cha kuti Yosefi wangususka vo muwolu waku Potifara wangumupusikiziya. Kumbi malemba ngakulondopu ngangatiwovya wuli kuziŵa chifukwa cho Yosefi wangusankhiya kuja ŵaka cheti pamwenga chifukwa cho titenere cha kukhaza kuti Bayibolu likonkhoski vosi vo vinguchitika? (Nthanthi 20:2; Yoha. 21:25; Machi. 21:37) Kumbi ndi mijalidu niyi yo yitenere kuti yinguwovya Yosefi kukunthiyapu vinthu vambula urunji?—Mika 7:7; Luka 14:11; Yako. 1:​2, 3.

Ŵanaŵaniyani vo musambirapu. Jifumbeni kuti:

• ‘Kumbi ndi vinthu vambula urunji nivi vo vingandichitikiya chifukwa chakuti nde wakusambira waku Yesu?’ (Luka 21:​12, 16, 17; Ahe. 10:​33, 34)

• ‘Kumbi ndinganozgeke wuli kukunthiyapu vinthu vambula urunji?’ (Salimo 62:​7, 8; 105:​17-19; w19.07 2-7)